తెలంగాణ భవన్లో చాకలి ఐలమ్మ జయంతి
ABN , First Publish Date - 2023-09-27T03:54:54+05:30 IST
తెలంగాణ పోరాట యోధురాలు, వీర వనిత చిట్యాల(చాకలి) ఐలమ్మ 128వ జయంతి వేడుకలు మంగళవారం ఢిల్లీలో తెలంగాణ భవన్లోని డాక్టర్ అంబేడ్కర్ ఆడిటోరియంలో ఘనంగా జరిగాయి.
నివాళులు అర్పించిన రెసిడెంట్ కమిషనర్
న్యూఢిల్లీ, సెప్టెంబరు 26 (ఆంధ్రజ్యోతి): తెలంగాణ పోరాట యోధురాలు, వీర వనిత చిట్యాల(చాకలి) ఐలమ్మ 128వ జయంతి వేడుకలు మంగళవారం ఢిల్లీలో తెలంగాణ భవన్లోని డాక్టర్ అంబేడ్కర్ ఆడిటోరియంలో ఘనంగా జరిగాయి. రెసిడెంట్ కమిషనర్ గౌరవ్ ఉప్పల్ ముందుగా జ్యోతి ప్రజ్వలన చేసి ఐలమ్మ చిత్ర పటానికి నివాళులు అర్పించారు. ఈ సందర్భంగా ఆయన మాట్లాడుతూ.. తెలంగాణ సాయుధ పోరాటంలో ఐలమ్మ ప్రదర్శించిన ధైర్యసాహసాలు ప్రజాస్వామిక పోరాటాలకు స్ఫూర్తిగా నిలిచాయన్నారు. ఆమె తెగువ, పౌరుషం తెలంగాణ అస్తిత్వాన్ని, ఆత్మగౌరవాన్ని చాటి చెప్పాయని పేర్కొన్నారు. ఈ కార్యక్రమంలో తెలంగాణ భవన్ అధికారులు, సిబ్బంది తదితరులు పాల్గొన్నారు.
