ఓవరాల్ చాంపియన్లు హైదరాబాద్, రంగారెడ్డి
ABN , First Publish Date - 2023-06-01T00:30:05+05:30 IST
మూడ్రోజులపాటు హైదరాబాద్ వేదికగా ఉత్సాహంగా సాగిన సీఎం కప్ రాష్ట్ర స్థాయి పోటీలు సందడిగా ముగిశాయి.
హైదరాబాద్ (ఆంధ్రజ్యోతి క్రీడాప్రతినిధి): మూడ్రోజులపాటు హైదరాబాద్ వేదికగా ఉత్సాహంగా సాగిన సీఎం కప్ రాష్ట్ర స్థాయి పోటీలు సందడిగా ముగిశాయి. బుధవారం ఎల్బీ స్టేడియంలో జరిగిన ముగింపు వేడుకల్లో మంత్రులు శ్రీనివాస్ గౌడ్, మహమూద్ అలీ, శాట్స్ చైర్మన్ ఆంజనేయ గౌడ్ పాల్గొని, క్రీడాకారులకు ట్రోఫీలు, పతకాలు ప్రదానం చేశారు. బాలుర విభాగంలో హైదరాబాద్ జిల్లా 89 పతకాలతో, బాలికల కేటగిరీలో రంగారెడ్డి జిల్లా 49 పతకాలతో ఓవరాల్ చాంపియన్ టైటిల్ను కైవసం చేసుకున్నాయి.
ఫలితాలు: పురుషుల ఫుట్బాల్లో హైదరాబాద్ విజేత. జోగులాంబ గద్వాల్ రన్నరప్. మహిళల్లో ఖమ్మం విజేత. నల్లగొండ రన్నరప్. మహిళల బాస్కెట్బాల్లో మేడ్చల్-మల్కాజ్గిరి చాంపియన్, హైదరాబాద్ రన్నరప్; పురుషుల్లో హైదరాబాద్ విజేత, మేడ్చల్-మల్కాజ్గిరి రన్నర్పగా నిలిచాయి. మహిళల కబడ్డీలో నల్లగొండ చాంపియన్, రంగారెడ్డి రన్నరప్, పురుషుల్లో సూర్యాపేట విజేత, రంగారెడ్డి రన్నరప్ స్థానాలను దక్కించుకున్నాయి.