NTR-Bhanumathi: ఒకే సినిమా.. రెండు అర్ధ శతదినోత్సవాలు

రామకృష్ణా సినీ స్టూడియోస్‌ (RamaKrishna Studios) పతాకంపై తెరకెక్కిన తొలి చిత్రం ‘తాతమ్మ కల’ (Tattama Kala) (30-08-1974) లోని స్టిల్‌ ఇది. ఈ చిత్రంలోనే పి.భానుమతి (P.Bhanumathi) మునిమనవడిగా నటించి నందమూరి బాలకృష్ణ చిత్రసీమలోకి ప్రవేశించారు. అప్పటికి కొంత నిర్మాణం జరిగి, మధ్యలో ఆగి పోయిన రామకృష్ణా సినీ స్టూడియో నిర్మాణం కోసమే.. ఈ చిత్రం ద్వారా వచ్చే ఆదాయమంతా వినియోగించాలనే ఉద్దేశంతో తీశారు. అప్పటి ప్రభుత్వం ప్రవేశపెట్టిన కుటుంబ నియంత్రణ పథకాన్ని నిరసిస్తూ నిర్మించిన చిత్రం కావడంతో నిషేధించాలనుకున్నారు.

అందువల్లే ఈ సినిమా (30-08-1974 / 08-01-1975) సెన్సారు అయి రెండుసార్లు విడుదలైంది. విడుదలైన రెండుసార్లు అర్ధ శతదినోత్సవం జరుపుకోవడం ఈ చిత్ర ప్రత్యేకత. ఎన్‌.టి.రామారావు (NTR) ముసలయ్య, రామయ్యగా ద్విపాత్రాభినయం చేశారు. ఎన్‌.టి.ఆర్‌. దర్శకత్వంలో భానుమతి నటించిన తొలిచిత్రమిది. ఉత్తమ కథా రచయితగా ఎన్‌.టి.ఆర్‌. నంది అవార్డు కూడా అందుకున్నారు.