చంద్రబాబుకు మద్దతుగా నిలుస్తున్న మహిళలు.. విదేశాల్లో పెద్దఎత్తున Nari4Nara కార్యక్రమం
ABN , First Publish Date - 2023-10-02T15:26:18+05:30 IST
చంద్రబాబుకు మద్దతుగా ఎన్నారైల నిరసనలు కొనసాగుతున్నాయి. తాజాగా వివిధ దేశాల్లోని తెలుగు మహిళలు నారీ ఫర్ నారా ప్రోగ్రాంలో పెద్ద సంఖ్యలో పాల్గొని టీడీపీ అధినేత అరెస్టును ముక్తకంఠంతో ఖండించారు
చంద్రబాబు అరెస్టును ఖండిస్తూ వివిధ దేశాల్లోని ఎన్నారైలు తమ నిరసనలు కొనసాగిస్తున్నారు. టీడీపీ అధినేత అరెస్టు అప్రజాస్వామికమంటూ నినదిస్తున్నారు. ఆయన కుటుంబానికి మద్దతుగా తామున్నామంటూ కదం తొక్కుతున్నారు. తాజాగా ఈరోజు Philadelphia, USAలో జరిగిన #NariForNara ప్రోగ్రాంలో మహిళలు పెద్ద సంఖ్యలో పాల్గొని చంద్రబాబుకు సంఘీభావం తెలిపారు.
డెట్రాయిట్లో కూడా మహిళలు చంద్రబాబుకు మద్దతుగా నిరసనలు తెలిపారు. #NariForNara ప్రోగ్రాంలో పెద్ద సంఖ్యలో పాల్గొన్నారు. బ్రిటన్లోని బ్రిస్టల్లో కూడా తెలుగు సంఘం చంద్రబాబుకు మద్దతు ప్రకటించింది. టీడీపీ అధినేత అక్రమ అరెస్టును ఎన్నారైలు ఖండించారు.
