Subshitaum: సకలార్థ సాధనం సుభాషితం
ABN , First Publish Date - 2023-03-02T23:26:42+05:30 IST
ఉత్తములైన వ్యక్తులతో చేసే చెలిమి వల్ల కలిగే ప్రయోజనాలను భర్తృహరి తన నీతి శతకంలోని ఈ శ్లోకంలో వివరించాడు. దాన్ని...
జాడ్యం ధియో హరతి సించతి వాచి సత్యం
మానోన్నతిం దిశతి పాప మపాకరోతి
చేతః ప్రసాదయతి దిక్షు తనోతి కీర్తిం
సత్సంగతిః కథయ కిం న కరోతి పుంసామ్!!
ఉత్తములైన వ్యక్తులతో చేసే చెలిమి వల్ల కలిగే ప్రయోజనాలను భర్తృహరి తన నీతి శతకంలోని ఈ శ్లోకంలో వివరించాడు. దాన్ని...
సత్యసూక్తి ఘటించు ధీజడిమ మాన్చు
గౌరవమొసంగు జనులకు కలుషమడచు
కీర్తి ప్రకటించు చిత్తవిస్ఫూర్తి జేయు
సాధుసంగంబు సకలార్థ సాధనంబు
అంటూ తెలుగువారికి అందించాడు ఏనుగు లక్ష్మణకవి.
‘‘మంచి వ్యక్తులతో స్నేహం... ఎప్పుడూ సత్యమే పలికేలా చేస్తుంది. బుద్ధి మాంద్యాన్ని తొలగిస్తుంది. జ్ఞానాన్ని పెంచుతుంది. సమాజంలో గౌరవాన్ని కలిగిస్తుంది. కల్మషాలను పోగొడుతుంది. మనసును నిర్మలంగా ఉంచుతుంది. పేరు ప్రతిష్టలు పెరిగేలా చేస్తుంది. మనోవికాసాన్ని కలిగిస్తుంది. ఒక్క మాటలో చెప్పాలంటే... సజ్జనులైన వారి సాంగత్యం సకలార్థ సాధనం’’ అని అర్థం.
