iPhone Lock ; ఐఫోన్‌ లాకైతే ఇలా చెయెుచ్చు
ABN , First Publish Date - 2023-08-26T00:17:43+05:30 IST
పాస్‌కోడ్‌ మర్చిపోతే... ఫేస్‌ ఐడీ కూడా పనిచేయకుంటే ఐఫోన్‌ పనిచేయదు. అంతమాత్రాన ఇబ్బందిపడనవసరం లేదు. నిర్దుష్ట పద్ధతుల్లో ఆ ఇబ్బంది నుంచి బైటపడవచ్చు.
పాస్‌కోడ్‌ మర్చిపోతే... ఫేస్‌ ఐడీ కూడా పనిచేయకుంటే ఐఫోన్‌ పనిచేయదు. అంతమాత్రాన ఇబ్బందిపడనవసరం లేదు. నిర్దుష్ట పద్ధతుల్లో ఆ ఇబ్బంది నుంచి బైటపడవచ్చు.
మొదటి పద్ధతి
ఈ విధానంలో మేక్‌ లేదంటే పీసీ అవసరం అవుతుంది. పీసీ ఉపయోగిస్తున్న పక్షంలో విండోస్‌ 10కి అప్డేట్‌ అయి ఉండాలి. ఐట్యూన్స్‌ ఇన్‌స్టాల్‌ అయి ఉండాలి. కేబుల్‌తో ఐఫోన్‌కు కనెక్ట్‌ కావాలి.
మొదట ఐఫోన్‌ని టర్నాఫ్‌ చేయాలి. రికవరీ మోడ్‌ని ఎంటర్‌ చేసేందుకు ఫోర్స్‌తో రీస్టార్‌ చేయాలి. ఐఫోన్‌ 8 ఆ తరవాత వాటికి సైడ్‌ బటన్‌ని ప్రెస్‌ ఆపై హోల్డ్‌ చేయాలి. అదే ఎస్‌ఈ, ఐఫోన్‌ 6 ఆపై వాటికి హోమ్‌ బటన్‌ని ఉపయోగించుకోవాలి.
బటన్‌ని హోల్డ్‌ చేసినప్పుడు ఐఫోన్‌ని మేక్‌ లేదంటే విండోస్‌ పీసీకి కనెక్ట్‌ చేయాలి.
మేక్‌పై ఫైండర్‌ లేదంటే విండోస్‌ పీసీపై ఐట్యూన్‌ని ఓపెన్‌ చేయాలి.
‘రిస్టోర్‌’ ఆప్షన్‌ని ఎంపిక చేసుకోవాలి. ఛాయిస్‌ని కన్‌ఫర్మ్‌ చేసుకుని ఆన్‌స్ర్కీన్‌ ఇన్‌స్ట్రక్షన్స్‌ని ఫాలో కావాలి. అప్పుడు కంప్యూటర్‌లో రిస్టోర్‌ ప్రాసెస్‌ ఆరంభమవుతుంది.
లేటెస్ట్‌ సాఫ్ట్‌వేర్‌తో ఐఫోన్‌ను అప్డేట్‌ చేయాలి. ఈ ప్రక్రియకు పదిహేను నిమిషాలు పడుతుంది. ఇదంతా పూర్తయితే ఐఫోన్‌ రీస్టార్‌ అవుతుంది. స్ర్కీన్‌ సెటప్‌ కనిపిస్తుంది. ఆప్పుడు కంప్యూటర్‌ నుంచి డిస్‌కనెక్ట్‌ కావాలి.
రెండో పద్ధతిలో
ఐఫోన్‌లో ‘ఫైండ్‌ మై ఫీచర్‌’ ఉంటే అన్‌లాక్‌ చేసుకునేందుకు ఐక్లౌడ్‌ను ఉపయోగించుకోవాలి.
మరోఫోన్‌ అంటే స్మార్ట్‌ఫోన్‌/టాబ్లెట్‌/కంప్యూటర్‌పై వెబ్‌బ్రౌజర్‌ని ఓపెన్‌ చేయాలి. ఐక్లౌడ్‌.కామ్‌/ఫైండ్‌/ని కనుగొనాలి.
యాపిల్‌ ఐడీ క్రెడెన్షియల్స్‌తో సైన్‌ అవ్వాలి.
ఆల్‌ డివైజెస్‌ని క్లిక్‌ చేయాలి. లాక్డ్‌ ఐఫోన్‌ని సెలెక్ట్‌ చేసుకోవాలి.
‘ఎరేజ్‌ ఐఫోన్‌’ని పై క్లిక్‌ చేస్తే ప్రాసెస్‌ ఆరంభమవుతుంది. రెండు దశల అథెంటికేషన్‌ ఉంటే యాపిల్‌ ఐడీ పాస్‌వర్డ్‌, ఆరంకెల డిజిట్‌ వెరిఫికేషన్‌ కోడ్‌ని ఎంచుకున్న డివైజ్‌కి పంపాలి.
‘ఎరేజ్‌’పై క్లిక్‌తో చాయిస్‌ని కన్‌ఫర్మ్‌ చేయాలి.
అది అడిగితే యాపిల్‌ ఐడీ పాస్‌వర్డ్‌ని మళ్ళీ ఎంటర్‌ చేయాలి.
ఈ రెండో పద్ధతుల్లోనూ ఒకటి గుర్తుంచుకోవాలి. ఐఫోన్‌ డేటా విషయంలో రెగ్యులర్‌ బ్యాకప్‌ ఉండాలి. అన్‌లాకింగ్‌ ప్రక్రియలో డేటా నష్టపోకుండా ఉండేందుకు ఈ ఏర్పాటు చాలా అవసరం. మరీ అవసరమైతేనే ఈ ప్రక్రియలను చేపట్టాలి. మిస్‌యూజ్‌ చేస్తే మొదటికే మోసం కలుగుతుంది. అలాగే అవసరమైన పర్మిషన్లనూ ఎప్పటికప్పుడు తీసుకుని మరీ ఈ ప్రక్రియలను చేపట్టాలి.
