Skin Care : మెరిసే చర్మం కోసం
ABN , First Publish Date - 2023-08-02T04:56:44+05:30 IST
ఏ కాలంలో అయినా చర్మాన్ని జాగ్రత్తగా ఉంచుకోకపోతే.. అంతే సంగతులు! ముఖ్యంగా ముఖ చర్మం, చేతులు, మెడ మీద వెంట్రుకలు పెరిగితే చూడటానికి బావుండదు. ఇలాంటి
ఏ కాలంలో అయినా చర్మాన్ని జాగ్రత్తగా ఉంచుకోకపోతే.. అంతే సంగతులు! ముఖ్యంగా ముఖ చర్మం, చేతులు, మెడ మీద వెంట్రుకలు పెరిగితే చూడటానికి బావుండదు. ఇలాంటి అవాంఛిత రోమాలను తొలగించటానికి కొన్ని పద్ధతులున్నాయి.
చర్మ సమస్యల చికిత్సకు పసుపు ఉపయోగపడుతుంది. యాంటీ బ్యాక్టీరియల్, యాంటీ సెప్టిక్ లక్షణాలుండే ఈ పసుపు చర్మంపైన ఉండే
వెంట్రుకలు పెరగనివ్వదు. అందుకే పసుపులో గులాబీనీళ్లు లేదా పాలు కలిపి ఆ పేస్ట్ను పెదవులపైన లేదా ముఖం మీద పట్టిస్తే అవాంఛిత రోమాలు పెరగవు.
బొప్పాయి తొక్కను తీసి పేస్ట్లా చేసుకోవాలి. ఇందులోకి కొద్దిగా పసుపు కలిపి చూర్ణం చేయాలి. ఈ చూర్ణాన్ని చర్మం మీద వెంట్రుకలు ఉండే ప్రాంతంలో పట్టించి అరగంట ఆగిన తర్వాత మంచి నీళ్లతో శుభ్రపరచుకోవాలి. ఇలా నాలుగు వారాల పాటు చేస్తే మంచి ఫలితం కనపడుతుంది.
బౌల్లో నిమ్మరసం, తేనెను సరైన పాళ్లలో తీసుకుని పేస్ట్లా చేసుకోవాలి. నిమ్మలో సిట్రిక్ ఆమ్లం ఉండటం వల్ల మంచి క్లీనింగ్ ఏజెంట్లా ఉపయోగపడుతుంది. హైడ్రేటింగ్, మాయిశ్చరైజింగ్ లక్షణాలుండే తేనెను నిమ్మరసంతో కలిపినపుడు చర్మంమీద వెంట్రుకలు పెరగవు. పైగా చర్మం స్మూత్గా తయారవుతుంది.
ఎర్ర కందిపప్పు, బంగాళదుంపను కలిపి మెత్తని చూర్ణం చేసుకోవాలి. బంగాళదుంపలోని న్యాచురల్ బ్లీచ్ లక్షణాల వల్ల అవాంఛిత రోమాల రంగు తగ్గిపోతుంది. వెంట్రుకలు ఉన్నట్లు కనపడవు.
బౌల్లో టేబుల్ స్పూన్ తేనె, రెండు టేబుల్ స్పూన్ల చక్కెర వేసి కొద్దిగా నీళ్లు కలిపి మిక్స్ చేయాలి. మైక్రోవేవ్లో అరనిముషం ఉంచి తీసేసిన తర్వాత అన్వాంటెడ్ ఫేసియల్ హెయిర్ మీద పట్టించాలి. వ్యతిరేక దిశలో పీల్ను తీసేయాలి.
చర్మం మీద అందవిహీనంగా కనపడే వెంట్రుకలను హెయిర్ రిమూవర్స్తో తీసేయవచ్చు. ప్లక్కింగ్ బదులుగా వ్యాక్సింగ్ చేసుకోవచ్చు. పలు జాగ్రత్తలతో నిపుణులను అడిగి ఈ పని చేయాలి. లేకపోతే లేజర్ చికిత్సతో కూడా ఈ సమస్యను శాశ్వతంగా అధిగమించే అవకాశం ఉంది.
