Octopus : మీకు తెలుసా?

సముద్రజీవుల్లో ప్రత్యేకమైనది ఆక్టోపస్‌. అన్ని సముద్రాల్లో లోతులో ఇవి జీవిస్తాయి. ప్రతి ఆక్టోపస్‌కు మూడు గుండెలు ఉంటాయి. నీలం, కాపర్‌ బేస్డ్‌ రక్తాన్ని పంప్‌ చేస్తాయవి.

ఆక్టోపీ అనేది గ్రీకు పదం.. ఆ భాషలోంచి పుట్టిందే ఇది. బహువచనం ఆక్టోపస్‌ అని రాయాలి. అయితే శాస్త్రవేత్తలు, అవగాహన ఉండేవారు తప్ప మిగిలినవారంతా ఆక్టోపస్‌ అని పిలుస్తుంటారు.

రాళ్ల మధ్య జీవిస్తాయి. రాళ్లతో ఇళ్లు కట్టుకుంటాయివి. ఎంత బాగా అంటే ఆ ఇంటికి డోర్‌ను కూడా పెట్టుకోగలవు.

ప్రపంచంలో 289 రకాల ఆక్టోపస్‌లుంటాయి. పెద్ద ఆక్టోపస్‌లను చూస్తే ఏలియన్లని భయపడతారు. కొన్నింటికి తలమీద టోపీల్లాంటి నిర్మాణం ఉంటాయి. ఇవి 330 మిలియన్ల కిందటివని శాస్త్రవేత్తల పరిశోధనలు చెబుతున్నాయి.

ఇవి ఎంత స్మార్ట్‌ అంటే జార్‌ల మూతలు తీయగలవు. పజిల్స్‌లాంటి దారుల్లో వేసినా సులువుగా చేధిస్తాయి. తన చుట్టూ ఉండే వాటిని పద్ధతిగా అసెంబుల్‌ చేసుకోగలవు.

కొట్లాటలో, ప్రమాదాల్లో కాళ్లు, చేతుల్లా ఉండే భాగాలు కట్‌ అయితే మళ్లీ వస్తాయి. బల్లితోకలా అనమాట.

తిన్న ఆహారాన్ని జీర్ణం చేసుకునే హార్మోన్లు అన్ని జీవుల్లానే విడుదలయితాయి. అయితే ఆహారం దొరకనపుడు తనకు తానే తింటుంది.

30 మిల్లీ సెకండ్స్‌లో తన రూపాన్ని మార్చుకుంటుంది. వెలుతురు పడుతూనే దూరంగా వెళ్లిపోతుంది. అలా దాని మెదడు పని చేస్తుంది.

పసిఫిక్‌ సముద్రంలోని ఆక్టోపస్‌లు ప్రపంచంలోనే బరువైనవి. ఒక్కోటి 15 కేజీలుంటాయి. ఈ సముద్రంలోని బతికే ఈ జీవులు 5000 అడుగుల లోతులో కూడా ఈదగలవు. ఎముకల్లేని జీవి ఇది. తన ఆహారాన్ని చేతులలాంటి నిర్మాణాలతో అందుకుని తింటుంది.

ఎముకల్లేని జీవుల్లో పెద్ద మెదడు ఉండేది ఇదే. నేలమీదపై నడుస్తుంది.. వేగంగా పరిగెత్తుతుంది. కొన్ని చిన్న ఆక్టోపస్‌లు ఆరునెలలు మాత్రమే జీవిస్తాయి. సాధారణంగా ఈ జీవుల జీవనకాలం మూడేళ్లు.