ఐటీ పోర్టల్లో ట్యాక్స్ కాలిక్యులేటర్
ABN , First Publish Date - 2023-02-21T01:36:25+05:30 IST
ఆదాయ పన్ను (ఐటీ) శాఖ తన వెబ్సైట్ మరింత ఉపయోగకరంగా తీర్చిదిద్దుతోంది. తాజాగా ట్యాక్స్ కాలిక్యులేటర్ను అందుబాటులోకి తెచ్చింది...
న్యూఢిల్లీ: ఆదాయ పన్ను (ఐటీ) శాఖ తన వెబ్సైట్ మరింత ఉపయోగకరంగా తీర్చిదిద్దుతోంది. తాజాగా ట్యాక్స్ కాలిక్యులేటర్ను అందుబాటులోకి తెచ్చింది. 2023-24 ఆర్థిక సంవత్సరానికి పాత ఆదాయ పన్ను పథకాన్ని ఎంచుకోవాలా? లేక కొత్త ఆదాయ పన్ను పథకాన్ని ఎంచుకోవాలా? అని తర్జనభర్జన పడుతున్న వ్యక్తిగత, అవిభక్త హిందూ కుటుంబాలకు ఇది ఎంతో ఉపయుక్తం కానుంది. ఈ పథకం కింద ఎంత పన్ను పడుతుందనే విషయాన్ని ఆదాయ పన్ను చెల్లింపుదారులు ఈ కాలిక్యులేటర్ ద్వారా లెక్కించుకుని, తమకు అనువైన విధానాన్ని ఎంచుకోవచ్చు.
