సామ్కో ఎంఎఫ్‌ డైనమిక్‌ అసెట్‌ అలోకేషన్‌ ఫండ్‌

సామ్కో అసెట్‌ మేనేజ్‌మెంట్‌ కంపెనీ.. డైనమిక్‌ అసెట్‌ అలోకేషన్‌ ఫండ్‌ (డీఏఏఎఫ్‌) పేరుతో కొత్త ఫండ్‌ను ప్రారంభించింది. ఇది ఓపెన్‌ ఎండెడ్‌ డైనమిక్‌ అసెట్‌ అలోకేషన్‌ ఫండ్‌. ప్రస్తుత మార్కెట్‌ పరిస్థితులను నిశితంగా పరిశీలిస్తూ రిస్క్‌ల నుంచి రక్షణ కల్పిస్తూ నిలకడైన వృద్ధిని అందించే విధంగా ఈ ఫండ్‌ను రూపొందించింది. సామ్కో మ్యూచువల్‌ పండ్‌ ప్రొపైటరీ మోడల్‌ ‘ట్రాన్స్‌ఫార్మర్‌’ను ఉపయోగిస్తూ ఈ ఫండ్‌ పెట్టుబడులు పెట్టనుంది. ఈ ఫండ్‌ కనీస పెట్టుబడి రూ.5,000. సిప్‌ రూపంలో అయితే కనీస పెట్టుబడి రూ.500. ఈ ఫండ్‌ ప్రారంభ తేదీ ఈ నెల 7. ముగింపు తేదీ 21.