ఆఫీ్‌సకు వస్తేనే ప్రమోషన్లు: అమెజాన్‌

న్యూయార్క్‌: ఉద్యోగులను మళ్లీ ఆఫీసులకు రప్పించేందుకు టెక్‌ దిగ్గజాలు తెగ కష్టపడుతున్నాయి. ఈ-కామర్స్‌ దిగ్గజం అమెజాన్‌ అయితే ‘ప్రమోషన్లు కావాలంటే ఆఫీసుకు రావాల్సిందే’ అంటూ హుకుం జారీ చేసింది. వారానికి కనీసం మూడు రోజులైనా ఆఫీసుకు వచ్చి పని చేయాల్సిందేనని స్పష్టం చేసింది. లేకపోతే ఆ ఉద్యోగులను ప్రమోషన్ల కోసం పరిశీలించే ప్రసక్తే లేదని తెలిపింది. ఈ ఉత్తర్వులపై ఉద్యోగుల్లో తీవ్ర అసంతృప్తి వ్యక్తం అవుతోంది. కొంతమంది ఉద్యోగులైతే ‘వర్క్‌ ఫ్రమ్‌ హోమ్‌’ అయితేనే పని చేస్తాం, లేదంటే మీ ప్రమోషన్లు వద్దూ, ఉద్యోగాలూ వద్దని అని రాజీనామా చేస్తున్నారు.