సరికొత్త ఎయిర్లైన్స్ ఫ్లై91
ABN , First Publish Date - 2023-06-03T01:31:46+05:30 IST
భారత విమానయాన సేవల మార్కెట్లోకి ఫ్లై91 పేరుతో సరికొత్త ఎయిర్లైన్స్ రంగ ప్రవేశం చేయబోతోంది.
శీతాకాలంలో విమాన సేవల ప్రారంభం
న్యూఢిల్లీ: భారత విమానయాన సేవల మార్కెట్లోకి ఫ్లై91 పేరుతో సరికొత్త ఎయిర్లైన్స్ రంగ ప్రవేశం చేయబోతోంది. శుక్రవారం ఫస్ట్ లుక్ను విడుదల చేసిందీ సంస్థ. ఈ ఏడాది శీతాకాలంలో (అక్టోబరు-డిసెంబరు త్రైమాసికం) విమాన సర్వీసులను ప్రారంభించనున్నట్లు తెలిపింది. గోవా కేంద్రంగా కార్యకలాపాలు నిర్వహించనున్న ఈ రీజినల్ ఎయిర్లైన్స్.. దేశంలోని ద్వితీయ- తృతీయ శ్రేణి నగరాల మధ్య సర్వీసులు నడపాలనుకుంటోంది. గతంలో మూతపడ్డ కింగ్ఫిషర్ ఎయిర్లైన్స్ మాజీ ఎగ్జిక్యూటివ్ మనోజ్ చాకో, ఫెయిర్ఫాక్స్ ఇండియా మాజీ అధిపతి హర్ష రాఘవన్ కలిసి ఈ ఎయిర్లైన్స్ను ప్రారంభించారు.