మళ్లీ టేకా్‌ఫకు గో ఫస్ట్‌ రెడీ!

న్యూఢిల్లీ: గో ఫస్ట్‌ ఎయిర్‌లైన్స్‌ దివాలా పరిష్కార నిపుణుడు (ఐఆర్‌పీ) ఆరు నెలల గడువుతో కూడిన పునరుద్ధరణ ప్రణాళికను డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (డీజీసీఏ)కు సమర్పించారు. 400 మంది పైలట్లు, నడపగలిగే స్థితిలో ఉన్న 26 విమానాలతో సర్వీసులను పునఃప్రారంభించేందుకు ఎయిర్‌లైన్స్‌ సిద్ధంగా ఉందని డీజీసీఏకు తెలిపారు. తొలుత రోజుకు 152 సర్వీసులు నడపాలనుకుంటున్నది. అలాగే, కార్యకలాపాల నిర్వహణకు అవసరమైన మూలధనం కోసం రుణదాతలతోనూ సంప్రదింపులు జరుపుతున్నట్లు వెల్లడించింది. గత నెల 2న గో ఫస్ట్‌ ఎయిర్‌లైన్స్‌ దివాలా ప్రకటించడంతో పాటు విమాన సర్వీసులను కూడా తాత్కాలికంగా రద్దు చేసింది.