రూ.400 కోట్లతో వియత్నాంలో సీసీఎల్‌ ప్రొడక్ట్స్‌ కాఫీ యూనిట్‌

హైదరాబాద్‌ (ఆంధ్రజ్యోతి బిజినెస్‌): సీసీఎల్‌ ప్రొడక్ట్స్‌ వియత్నాంలో 6,000 టన్నుల వార్షిక సామర్థ్యంతో ఫ్రీజ్‌ డ్రైడ్‌ కాఫీ తయారీ యూనిట్‌ను ఏర్పాటు చేయనుంది. డాక్‌ లాక్‌ ప్రావిన్స్‌లో ఇప్పటికే కంపెనీకి ఉన్న యూనిట్‌ ప్రాంగణంలో కొత్త కాఫీ యూనిట్‌ను 5 కోట్ల డాలర్లతో (దాదాపు రూ.400 కోట్లు) సీసీఎల్‌ ప్రొడక్ట్స్‌ నూరు శాతం అనుబంధ సంస్థ ఎన్‌గాన్‌ కాఫీ కంపెనీ ఏర్పాటు చేస్తుంది. కొత్త యూనిట్‌ ప్రతిపాదనకు సీసీఎల్‌ బోర్డు ఆమోదం తెలిసింది.

150 శాతం మధ్యంతర డివిడెండ్‌

ప్రస్తుత ఆర్థిక సంవత్సరానికి సీసీఎల్‌ ప్రొడక్ట్స్‌ మధ్యంతర డివిడెండ్‌ ప్రకటించింది. రూ.2 ముఖ విలువ కలిగిన ఒక్కో షేర్‌పై రూ.3 డివిడెండ్‌ (150ు) చెల్లింపునకు బోర్డు ఆమోదించింది. డివిడెండ్‌ చెల్లింపునకు జనవరి 31ని రికార్డు తేదీగా ప్రకటించింది. గత ఏడాది డిసెంబరుతో ముగిసిన త్రైమాసికానికి కంపెనీ రూ.73.06 కోట్ల ఏకీకృత నికర లాభాన్ని ప్రకటించింది. మొత్తం ఆదాయం రూ.423.59 కోట్ల నుంచి రూ.535.64 కోట్లకు చేరింది.