ఐసీఐసీఐ ప్రు లార్జ్‌, మిడ్‌క్యాప్‌ ఫండ్‌తో మెరుగైన రాబడులు

ఐసీఐసీఐ ప్రుడెన్షియల్‌ లార్జ్‌, మిడ్‌క్యాప్‌ ఫండ్‌.. గడచిన మూడేళ్ల కాలం నుంచి మదుపరులకు నిలకడైన రిటర్నులు అందిస్తూ వస్తోంది. ఈ ఫండ్‌ వరుసగా 17.3 శాతం, 17.5 శాతం, 23.8 శాతం మేరకు మదుపరులకు లాభాలను అందించింది. ఇదే సమయంలో బెంచ్‌మార్క్‌ ఇండెక్స్‌ మాత్రం వరుసగా 6.7 శాతం, 5.8 శాతం, 2.4 శాతం మేర రిటర్నులు అందించింది. సమయానుకూలంగా ఈ ఫండ్‌ వివిధ పోర్టుఫోలియోల్లో పెట్టుబడులు రావటమే కాకుండా ఎంపిక చేసిన స్టాక్స్‌ల్లో ఇన్వెస్ట్‌ చేయటం ద్వారా ఇన్వెస్టర్లకు మంచి లాభాలను అందించగలిగింది. లార్జ్‌, మిడ్‌క్యాప్స్‌లో 35 శాతం పెట్టుబడులు పెట్టగా మరో 30 శాతం మార్కెట్‌ క్యాపిటలైజేషన్‌ ఆధారంగా ఈ ఫండ్‌ పెట్టుబడులు పెట్టుకుంటూ వచ్చింది. ప్రస్తుతం ఐసీఐసీఐ ప్రు లార్డ్‌ అండ్‌ మిడ్‌క్యాప్‌ ఫండ్‌.. 58 శాతం పెట్టుబడులు లార్జ్‌ క్యాప్స్‌లో పెట్టగా మిడ్‌ క్యాప్స్‌లో 38 శాతం, స్మాల్‌ క్యాప్స్‌లో 4 శాతం మేర పెట్టుబడులు పెట్టింది. అంతర్జాతీయంగా మార్క్టెట్లలో ఆటుపోట్లు ఎదురవుతున్నా... క్రమపద్ధతిలో ఇన్వెస్ట్‌ చేస్తూ దీర్ఘ, మధ్య కాలికంగా మదుపరులకు లాభాలను అందించటంలో ఈ ఫండ్‌ ముందంజలో ఉంది.