విజయాశ్వం మరో హిట్టు
ABN , First Publish Date - 2023-04-23T03:07:29+05:30 IST
ఇస్రో విజయాశ్వం పీఎ్సఎల్వీ మరో హిట్టు కొట్టింది. సింగపూర్కు చెందిన రెండు ఉపగ్రహాలతో శనివారం మధ్యాహ్నం నింగిలోకి రివ్వున ఎగిరిన పీఎ్సఎల్వీ-సీ 55 రాకెట్ వాటిని విజయవంతంగా నిర్ణీత కక్ష్యలోకి చేరవేసింది.
పీఎ్సఎల్వీ-సీ 55 ప్రయోగం సూపర్ సక్సెస్
రెండు సింగపూర్ ఉపగ్రహాలతో నింగిలోకి
20.50 నిమిషాల్లో నిర్ణీత కక్ష్యలోకి చేరవేత
ఇస్రో ఖాతాలో మరో వాణిజ్య విజయం
పీఎ్సఎల్వీ-సీ 55 సక్సెస్
సూళ్లూరుపేట, ఏప్రిల్ 22: ఇస్రో విజయాశ్వం పీఎ్సఎల్వీ మరో హిట్టు కొట్టింది. సింగపూర్కు చెందిన రెండు ఉపగ్రహాలతో శనివారం మధ్యాహ్నం నింగిలోకి రివ్వున ఎగిరిన పీఎ్సఎల్వీ-సీ 55 రాకెట్ వాటిని విజయవంతంగా నిర్ణీత కక్ష్యలోకి చేరవేసింది. తిరుపతి జిల్లా శ్రీహరికోట సతీష్ ధవన్ అంతరిక్ష కేంద్రం (షార్)లోని ప్రథమ ప్రయోగ వేదిక నుంచి ఇస్రో ఈ ప్రయోగాన్ని చేపట్టింది. ఇస్రోకు ఈ ఏడాది ఇది రెండో వాణిజ్య రంగ ప్రయోగ విజయమని ఇస్రో చైర్మన్ సోమ్నాథ్ అన్నారు. పీఎ్సఎల్వీ-సీ55 రాకెట్ విజయం అనంతరం ఆయన మీడియా సెంటర్లో విలేకర్లతో మాట్లాడుతూ.. ఈ ఏడాదంతా ఇస్రోకు శుభపరిణామాలే అన్నారు. ఈ సంవత్సరం ప్రయోగించిన మూడు ప్రయోగాలూ ఘన విజయం సాధించాయని, ఇదే స్ఫూర్తితో ముందుకు వెళ్తున్నామని తెలిపారు. ఇప్పటి వరకు 33 దేశాలకు చెందిన 424 ఉపగ్రహాలను మన వాహక నౌకల ద్వారా రోదసీలోకి పంపామన్నారు.
