అన్నదాతపై పోలీస్ జులుం
ABN , First Publish Date - 2023-08-02T03:53:47+05:30 IST
గుంటూరు చానల్ పొడిగింపు విషయంలో సీఎం జగన్ ఇచ్చిన మాటను నిలబెట్టు కోవాలని కోరుతూ నల్లమడ రైతు సంఘం మంగళవారం తలపెట్టిన ‘చలో తాడేపల్లి’ కార్యక్రమంపై పోలీసులు ఉక్కుపాదం మోపారు.
పెదనందిపాడు, ఆగస్టు 1: గుంటూరు చానల్ పొడిగింపు విషయంలో సీఎం జగన్ ఇచ్చిన మాటను నిలబెట్టు కోవాలని కోరుతూ నల్లమడ రైతు సంఘం మంగళవారం తలపెట్టిన ‘చలో తాడేపల్లి’ కార్యక్రమంపై పోలీసులు ఉక్కుపాదం మోపారు. గుంటూరు జిల్లా పెదనందిపాడు ప్రాంతం నుంచి ఎవరూ తాడేపల్లికి చేరకుండా రహదారులను మూసేశారు. రైతులు, మహిళలను బలవంతంగా ఈడ్చుకెళ్లి పోలీసు వాహనాల్లో పడేశారు. రైతు సంఘం అధ్యక్షుడు కొల్లా రాజమోహన్ను ఈడ్చుకెళ్లి అరెస్టు చేశారు.
