సైబరాబాద్‌, అమరావతిలను చంద్రబాబు కాపీ కొట్టారా : ఆలపాటి
ABN , First Publish Date - 2023-06-02T04:25:37+05:30 IST
‘దేశంలో ఎవరికీ ఆలోచన రాకముందే పాతికేళ్ల కిందటే చంద్రబాబు విజన్‌ 2020 తయారు చేసి అమలు చేశారు.
అమరావతి, జూన్‌ 1(ఆంధ్రజ్యోతి): ‘‘దేశంలో ఎవరికీ ఆలోచన రాకముందే పాతికేళ్ల కిందటే చంద్రబాబు విజన్‌ 2020 తయారు చేసి అమలు చేశారు. ఆయనకు ఎవరినీ కాపీ కొట్టాల్సిన అవసరం లేదు. ఐటీ హబ్‌గా సైబరాబాద్‌ అభివృద్ధి, అమరావతి నిర్మాణం కూడా చంద్రబాబు కాపీ కొట్టారా?’’ అని మాజీ మంత్రి ఆలపాటి రాజేంద్ర ప్రసాద్‌ ప్రశ్నించారు. గురువారం ఆయన విలేకరులతో మాట్లాడారు. ‘‘టీడీపీ మేనిఫెస్టో ఎవరినో చూసి కాపీ కొట్టారని సీఎం జగన్‌ మాట్లాడుతున్నారు. దానిని ఏం విమర్శించాలో తెలియక సినిమా డైలాగులు రాసుకొచ్చి వల్లె వేస్తున్నారన్నారు. ప్రజలకు అరకొరగా సాయం చేసి అదే పెద్ద గొప్ప అన్నట్లుగా జగన్‌ ప్రచారం చేసుకొంటున్నారని, దానిని సవరించి ప్రతి కుటుంబానికి వీలైనంత సాయం అందించేలా చంద్రబాబు మేనిఫెస్టోను ప్రకటించారన్నారు. జగన్‌ పాలన అంత బాగుంటే ఆయన సమావేశాల నుంచి ప్రజలు ఎందుకు పారిపోతున్నారో వైసీపీ నేతలు ఆలోచించుకోవాలని అన్నారు.
