నేడు, రేపు భారీ వర్షాలు
ABN , First Publish Date - 2022-07-17T09:53:09+05:30 IST
ఆదివారం, సోమవారం..ఉత్తర, తూర్పు తెలంగాణ జిల్లాల్లో భారీ వర్షాలు కురిసే అవకాశం ఉందని హైదరాబాద్ వాతావారణ కేంద్రం ప్రకటించింది.
హైదరాబాద్, జూలై 16(ఆంధ్రజ్యోతి): ఆదివారం, సోమవారం..ఉత్తర, తూర్పు తెలంగాణ జిల్లాల్లో భారీ వర్షాలు కురిసే అవకాశం ఉందని హైదరాబాద్ వాతావారణ కేంద్రం ప్రకటించింది. ఆదివారంనాడు ఆసిఫాబాద్, మంచిర్యాల, కరీంనగర్, పెద్దపల్లి, భూపాలపల్లి, ములుగు, భద్రాద్రి కొత్తగూడెం, మహబూబాబాద్, వరంగల్ రూరల్, జనగాం జిల్లాల్లో.. సోమవారంనాడు ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సిరిసిల్ల, కరీంనగర్, పెద్దపల్లి, భూపాలపల్లి, ములుగు, భద్రాద్రి కొత్తగూడేం, సంగారెడ్డి, మెదక్, కామారెడ్డి జిల్లాల్లో భారీ వర్షం పడుతుందని వెల్లడించింది. మిగిలిన జిల్లాల్లో తేలికపాటి నుంచి మోస్తరు వర్షం కురిసే అవకాశం ఉందని పేర్కొంది. కాగా.. శనివారం మహబూబ్నగర్ జిల్లా మొహమ్మదాబాద్లో అత్యధికంగా 15 మిల్లీమీటర్ల వర్షపాతం నమోదైంది. జూన్ 1 నుంచి ఇప్పటిదాకా రాష్ట్రంలో సాధారణంగా 244 మిల్లీమీటర్ల వర్షపాతం నమోదు కావాల్సి ఉండగా.. 531 మిల్లీమీటర్ల వర్షపాతం నమోదైనట్లు వాతావరణ శాఖ తెలిపింది.
