నల్లమల దారిలో.. ఊహించని బాటసారి
ABN , First Publish Date - 2022-11-25T03:48:28+05:30 IST
అది నల్లమలలోని లోతట్టు ప్రాంతం. నాగర్‌కర్నూలు జిల్లాలోని వటవర్లపల్లి, ఫరాహాబాద్‌ల మధ్య ఉన్న దట్టమైన అటవీ క్షేత్రం.
అది నల్లమలలోని లోతట్టు ప్రాంతం. నాగర్‌కర్నూలు జిల్లాలోని వటవర్లపల్లి, ఫరాహాబాద్‌ల మధ్య ఉన్న దట్టమైన అటవీ క్షేత్రం. సమయం ఉదయం 7 గంటలు. నడి అడవిలో అప్పుడప్పుడే తెల్లవారుతోంది. ఇంతలో శ్రీశైలం-హైదరాబాద్‌ ప్రధాన రహదారి పైకి ఓ పెద్ద పులి ఠీవీగా నడుచుకుంటూ వచ్చింది. అంతే.. ఆ దృశ్యాన్ని చూసిన వాహనదారుల గుండెలు జల్లుమన్నాయి. అంతలోనే తేరుకుని సెల్‌ఫోన్‌ కెమెరాలను ఓపెన్‌ చేశారు. పులి దర్జాగా రోడ్డు దాటుతున్న దృశ్యాలను క్లిక్‌మనిపించారు. సోషల్‌ మీడియాలో పోస్టు చేయడంతో ఆ ఫొటోలు వైరల్‌ అయ్యాయి. ఉదయం వేళ రోడ్డుపై పులి కన్పించడం ఇటీవల కాలంలో ఇదే తొలిసారి.
- అమ్రాబాద్‌
