రిజ్వాన్‌ సెంచరీ

డ్రాతో గట్టెక్కిన పాక్‌

కరాచీ: కెప్టెన్‌ బాబర్‌ ఆజమ్‌ (196) కెరీర్‌ బెస్ట్‌ ఇన్నింగ్స్‌తో కదం తొక్కడంతో పాటు మహ్మద్‌ రిజ్వాన్‌ (104 నాటౌ ట్‌) శతకంతో దుమ్మురేపడంతో ఆస్ట్రేలియాతో రెండో టెస్ట్‌ను పాకిస్థాన్‌ డ్రా చేయగలిగింది. 506 పరుగుల భారీలక్ష్యంతో ఓవర్‌నైట్‌ స్కోరు 192/2తో బుధవారం రెండో ఇన్నింగ్స్‌ కొనసాగించిన పాక్‌ ఆట ఆఖరికి 443/7తో మ్యాచ్‌ను డ్రాగా ముగించింది. చివరిరోజు 414/7 స్కోరుతో ఉన్న వేళ..తొమ్మిదో నెంబర్‌ బ్యాటర్‌ నౌమాన్‌ అలీ ఒక్క పరుగు కూడా చేయకుండా 18 బంతులను విజయవంతంగా ఎదుర్కొన్నాడు. అంతేకాదు అతడు చివరి 8 ఓవర్లు రిజ్వాన్‌కు అండగా నిలిచి ఆసీస్‌ గెలుపు ఆశలపై నీళ్లు చల్లాడు.. మూడో, చివరి టెస్ట్‌ 21నుంచి లాహోర్‌లో జరగనుంది.