ఛెత్రికి ఫిఫా గౌరవం

ABN , First Publish Date - 2022-09-29T10:39:20+05:30 IST

భారత సాకర్‌ జట్టు కెప్టెన్‌ సునీల్‌ ఛెత్రిని ప్రపంచ ఫుట్‌బాల్‌ సంఘం (ఫిఫా) సముచితంగా గౌరవించింది. 38 ఏళ్ల ఛెత్రి సాకర్‌, వ్యక్తిగత జీవిత విశేషాలతో మూడు

ఛెత్రికి ఫిఫా గౌరవం

భారత స్టార్‌పై డాక్యుమెంటరీ 


న్యూఢిల్లీ: భారత సాకర్‌ జట్టు కెప్టెన్‌ సునీల్‌ ఛెత్రిని ప్రపంచ ఫుట్‌బాల్‌ సంఘం (ఫిఫా) సముచితంగా గౌరవించింది. 38 ఏళ్ల ఛెత్రి సాకర్‌, వ్యక్తిగత జీవిత విశేషాలతో మూడు ఎపిసోడ్‌ల డాక్యుమెంటరీ రూపొందించింది. ఆటగాడిగా సునీల్‌ నైపుణ్యాలు, అతడు సాధించిన విజయాలను ఇందులో పొందుపరిచారు. ఫిఫా+ ప్లాట్‌ఫామ్‌లో దీనిని అందుబాటులో ఉంచింది. ‘మీకు రొనాల్డో, మెస్సీ గురించి తెలుసు. కానీ ప్రపంచ ఫుట్‌బాల్‌లో అత్యధిక గోల్స్‌ చేసిన వారిలో మూడో ప్లేయర్‌, భారత జట్టు కెప్టెన్‌ సునీల్‌ ఛెత్రి విజయగాథను కూడా తెలుసుకోవాల్సిన అవసరం ఉంది’ అని ఆ డాక్యుమెంటరీలో ఫిఫా పేర్కొంది. ప్రస్తుతం సాకర్‌ ఆడుతున్న వారిలో రొనాల్డో (117), మెస్సీ (90) తర్వాత ఛెత్రి (84) అత్యధిక గోల్స్‌ చేసిన వారి జాబితాలో మూడో స్థానంలో ఉండడం విశేషం. 

Read more