కెనడాలో తాకా వారి శుభకృత్ నామ సంవత్సర ఉగాది ఉత్సవాలు

కెనడాలో తెలుగు అలయెన్సెస్ ఆఫ్ కెనడా (తాకా) ఏప్రిల్ 2, 2022 శనివారం నాడు శుభకృత్ నామ సంవత్సర ఉగాది ఉత్సవాలను అంగరంగ వైభవంగా  టొరంటోలోని టొరంటో పెవిలియన్ వేదికగా నిర్వహించారు. ఈ కార్యక్రమాన్ని 1200  మందికి పైగా కెనడాలో ని తెలుగు వారు పాల్గొని విజయవంతం చేశారు. ఈ కార్యక్రమానికి రేణు కుందెమ్, అనిత సజ్జ, ఖాజిల్ మహమ్మద్, విద్య భవనం వ్యాఖ్యాతలు గా వ్యవహరించారు.  

మొదటగా తాకా అధ్యక్షుడు కల్పనా మోటూరి,  రంజిత హంసాల, రజిని లయం, గీత దేసు, వీణ మార్పిన..  జ్యోతి ప్రజ్వలనతో ఉగాది సంబరాల ను ప్రారంభించారు. ఆ తరువాత  కెనడా, భారత దేశ జాతీయ గీతాలను ఆలపించడం జరిగింది.  ఈ కార్యక్రమానికి టొరంటో ఇండియన్ కాన్సులేట్ జనరల్ అపూర్వ శ్రీవాస్తవ ముఖ్య అతిథిగా విచ్చేశారు.  తాకా విశిష్టత గురించి, టొరంటోలోని తెలుగు కమ్యూనిటీ కోసం తాకా  వారు చేస్తున్న సేవా కార్యక్రమాలు గురించి అపూర్వ కొనియాడారు.  తాకా అధ్యక్షులు కల్పన మోటూరి,  తాకా కార్య వర్గ సంఘం అపూర్వ శ్రీవాస్తవని సత్కరించడం జరిగింది. అలాగే ఈ కార్యక్రమానికి ప్రధాన ధాత అయిన గెట్ హోమ్ రియాల్టీ (రమేష్ గొల్లు, ఆనంద్ పేరిచర్ల) ని సత్కరించుకోవడంతో పాటూ  మొమెంటో అందజేశారు. ఈ సందర్భంగా తాకా కార్యవర్గం,  తాకా ప్రధాన వ్యవస్థాపక సభ్యులు అయిన చారి సామంతపూడి  కమ్యూనిటీకి చేస్తున్న పలు రకాల సేవా కార్యక్రమాలని ఎంతగానో ప్రశంసించి చిరు సత్కారంతో గౌరవించడం జరిగింది. తాకా అధ్యక్షులు  కల్పన మోటూరి, తాకా వ్యవస్థాపకతను వివరిస్తూ తాకా చేస్తున్న కార్యక్రమాలను, ముఖ్యంగా పోయిన రెండు సంవత్సరాలలో జరిపించిన కార్యక్రమాలను వివరించారు.

టొరంటోలో వున్న తెలుగు పూజారి శ్రీ మంజునాథ సిద్ధాంతి.. ఉగాది పంచాంగ శ్రవణం మరియు ఈ కొత్త సంవత్సర రాశి ఫలాలను  అందరికీ విశదీకరించారు.  ఆరు గంటల పాటు దాదాపు 35 సాంస్కృతిక కార్యక్రమాలతో ఉల్లాసంగా మరియు ఉత్సాహంగా సాగింది. 130 కి పైగా చిన్నారులు, పెద్దలు చేసిన తెలుగు సాంస్కృతిక, చలన చిత్ర నృత్య ప్రదర్శనలు, ఫ్యాషన్ షో, పాడిన గీతాలు అందరినీ అలరించాయి.  

ఈ కార్యక్రమ విజయవంతానికి కృషి చేసిన ఉపాధ్యక్షులు నాగేంద్ర హంసాల, కార్యదర్శి ప్రసన్న తిరుచిరాపల్లి, కోశాధికారి మల్లికార్జున చారి పదిర, సాంస్కృతిక కార్యదర్శి రాజారామ్ మోహన్ రాయ్ పుల్లంశెట్టి, డైరెక్టర్స్ అనిత సజ్జ, గణేష్ తెరాల,రాణి మద్దెల, యూత్ డైరెక్టర్స్ విద్య భావనం, ఖాజిల్ మహమ్మద్, బోర్డు ఆఫ్ ట్రస్టీ చైర్మన్ మునాఫ్ అబ్దుల్, సభ్యులు రాఘవ అల్లం, సురేష్ కూన, వాణి జయంతి, ప్రవీణ్ పెనుబాక  మరియు ఇతర వ్యవస్థాపక చైర్మన్  రవి వారణాసి, సభ్యులు చారి సామంతపూడి, అరుణ్ లయం, లోకేష్ చిల్లకూరు, రమేష్ మునుకుంట్ల, రాకేష్ గరికపాటి,  శ్రీనాథ్  కుందూరు, రామ చంద్ర రావు దుగ్గిన.. అందరి వలంటీర్లను తాకా అధ్యక్షులు కల్పన మోటూరి అభినందించారు. ఈ కార్యక్రమంలో పాల్గొన్న స్వఛ్చంద కార్యకర్తలకు తాకా కార్యవర్గం ధన్య వాదములు తెలిపారు. చివరిగా తాకా ఉపాధ్యక్షులు నాగేంద్ర హంసాల, అరుణ్ లయం, తాకా కార్యదర్శి ప్రసన్న తిరుచిరాపల్లి.. కార్యక్రమంలో పాల్గొన్న తెలుగు వారందరికీ, దాతలకు, అతిధులకు ఇచ్చిన వందన సమర్పణతో కార్యక్రమం జయప్రదంగా ముగిసింది.