Viral Video: విద్యార్థుల గొడవ.. పోలీసుల కొంప ముంచింది!

ABN , First Publish Date - 2022-09-28T23:24:10+05:30 IST

విద్యార్థుల మధ్య చోటు చేసుకున్న గొడవ.. పోలీసుల కొంప ముంచింది. పోలీసులపై ఉన్నాధికారులు విచారణ జరిపించేందుకు రెడీ అయ్యే విధంగా చేసింది. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతోంది. కాగా.. విద్యార్థులు గొ

Viral Video: విద్యార్థుల గొడవ.. పోలీసుల కొంప ముంచింది!

ఎన్నారై డెస్క్: విద్యార్థుల మధ్య చోటు చేసుకున్న గొడవ.. పోలీసుల కొంప ముంచింది. పోలీసులపై ఉన్నాధికారులు విచారణ జరిపించేందుకు రెడీ అయ్యే విధంగా చేసింది. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతోంది. కాగా.. విద్యార్థులు గొడవ పెట్టుకుంటే.. పోలీసు అధికారులపై విచారణ జరిపడం ఎందుకు? అని ఆలోచిస్తున్నారా? అయితే పూర్తి వివరాల్లోకి వెళ్లాల్సిందే.. 


టెక్సాస్‌(Texas)లోని ఇర్వింగ్ ప్రాంతంలో ఉన్న నిమిట్జ్ హై స్కూల్‌లో కొందరు విద్యార్థులు గొడవకు దిగారు. క్యాంటీన్‌లో ఒకరినొకరు తీవ్రంగా కొట్టుకున్నారు. అయితే దీనిపై సమాచారం అందుకున్న పోలీసులు.. వెంటనే ఘటనా స్థలానికి చేరుకున్నారు. అనంతరం కొట్టుకుంటున్న విద్యార్థులను దూరంగా నెట్టేశారు. ఈ నేపథ్యంలోనే ఓ పోలీసు అధికారి(US Police Officer) తిడుతూ ఓ విద్యార్థిని క్యాంటీన్‌లోని తోపుడు బండిపైకి తోసేశాడు. దీంతో విద్యార్థి నేలపై పడిపోయాడు. అనంతరం సదరు విద్యార్థి పైకి లేచాడు. ఈ క్రమంలోనే ఆ పోలీసు అధికారి తిరిగి ఆ విద్యార్థిని వెనెక్కి నెట్టేశాడు. గొడవకు దిగిన ఇతర విద్యార్థులను కూడా అక్కడున్న పోలీసులు అదుపు చేశారు. 


ఈ ఘటన గత బుధవారం చోటు చేసుకోగా.. అందుకు సంబంధించిన దృశ్యాలను కొందరు సోషల్ మీడియా(Social Meida)లో పోస్ట్ చేయడంతో ఆ వీడియో వైరల్‌(Viral)గా మారింది. గొడవను ఆపే ప్రయత్నంలో విద్యార్థుల పట్ల పోలీసులు దురుసుగా ప్రవర్తించడాన్ని కొందరు తప్పబట్టారు. ఈ వీడియో ఉన్నతాధికారుల దృష్టికి వెళ్లడంతో సీరియస్ అయ్యారు. ఈ నేపథ్యంలోనే ఉన్నతాధికారులు పోలీసులపై విచారణకు ఆదేశించారు. ఇదిలా ఉంటే.. విద్యార్థుల మధ్య గొడవ ఎందుకు జరిగింది? గొడవను అదుపు చేసే క్రమంలో విద్యార్థులకు పోలీసులకు మధ్య ఏదైనా వాగ్వాదం చోటు చేసుకుందా? వంటి విషయాలపై స్పష్టత లేదు. 




Updated Date - 2022-09-28T23:24:10+05:30 IST

Read more