బరువు తగ్గేందుకు ఈ చిట్కాలు పాటించండి

ABN , First Publish Date - 2022-11-08T11:13:02+05:30 IST

బరువు తగ్గాలంటే తక్కువ తినాలి, ఎక్కువ వ్యాయామం చేయాలి అనుకుంటాం. కానీ కొన్ని జీవనశైలి మార్పులను కూడా అనుసరించినప్పుడే మెరుగైన ఫలితం దక్కుతుంది.

బరువు తగ్గేందుకు ఈ చిట్కాలు పాటించండి
ఈ చిట్కాలు పాటించండి

రువు తగ్గాలంటే తక్కువ తినాలి, ఎక్కువ వ్యాయామం చేయాలి అనుకుంటాం. కానీ కొన్ని జీవనశైలి మార్పులను కూడా అనుసరించినప్పుడే మెరుగైన ఫలితం దక్కుతుంది.

ప్రొటీన్‌: రోజు మొత్తంలో తీసుకునే ప్రొటీన్‌ పరిమాణాన్ని రెట్టింపు చేయాలి. ప్రొటీన్‌తో ఆకలి తగ్గి, ఎక్కువ సమయం పాటు హుషారుగా ఉంటాం.

నిద్ర: నిద్రలేమితో త్వరగా బరువు పెరిగిపోతాం. కాబట్టి కంటి నిండా నిద్రపోవాలి.

కూరగాయలు: వీలైనన్ని ఎక్కువ కూరగాయలు తినాలి. ఇలా తినడం వల్ల ఎక్కువ సమయం పాటు పొట్ట నిండుగా ఉండి, చిరుతిళ్ల మీదకు మనసు మళ్లకుండా ఉంటుంది.

నడక: పెంపుడు కుక్కలను తరచూ నడకకు తీసుకువెళితే, అదనపు వ్యాయామం దక్కి, త్వరగా బరువు తగ్గుతాం.

కూల్‌డ్రింక్స్‌: శీతల పానీయాలతో ఊబకాయం వస్తుంది. వీటికి బదులు పండ్ల ముక్కలను నీళ్లలో నానబెట్టి, ఆ నీళ్లను తాగడం మేలు.

హ్యాపీ అవర్స్‌: రాత్రి భోజనం తర్వాత, స్నేహితులతో కలిసి ఆరుబయట సరదాగా పరుగులు పెట్టండి. లేదా ఆటలు ఆడండి. ఈ పనులన్నీ అధిక బరువును కరిగించేవే!

డాన్స్‌: డాన్స్‌ క్లాస్‌లో చేరితే, కార్డియో ఫలితం దక్కి, అధిక బరువు కోల్పోతాం. మనసు కూడా హుషారుగా మారుతుంది.

ఇంటి వంట: సాధ్యమైనంత వరకూ ఇంటి భోజనానికే ప్రాధాన్యం ఇవ్వాలి. ఇలా మనమే వంట చేసుకుంటే, దాన్లో ఉపయోగించే దినుసులు, నూనెల మీద మనకు నియంత్రణ ఉంటుంది.

Updated Date - 2022-11-08T11:13:02+05:30 IST

Read more