వనపర్తిలో వచ్చే ఏడాది నుంచే మెడికల్‌ కళాశాల తరగతులు
ABN , First Publish Date - 2022-02-03T20:59:47+05:30 IST
రాష్ట్ర ప్రభుత్వం వనపర్తి జిల్లాకు మంజూరు చేసిన మెడికల్‌ కళాశాల ప్రారంభానికి ఏర్పాట్లు జరుగుతున్నాయి. ఈ మేరకు నేషనల్‌ మెడికల్‌ కౌన్సిల్‌ బృందం సోమవారం జిల్లా ఆస్పత్రితో పాటు నూతనంగా నిర్మించిన ఎంసీహెచ్‌ను, దాని పక్కనే తాత్కాళికంగా...
తాత్కాలిక ఏర్పాట్లను పరిశీలించిన నేషనల్‌ మెడికల్‌ కౌన్సిల్‌
జిల్లా ఆస్పత్రి ప్రభుత్వ జనరల్‌ ఆస్పత్రిగా అప్‌గ్రేడ్‌
వైద్యులు, పారామెడికల్‌ స్టాఫ్‌తో పాటు సిబ్బంది కేటాయింపు
పూర్తిఎన్‌ఎంసీ అనుమతిస్తే మొదటి సంవత్సరం 150 మందికి ప్రవేశం
మెడికల్‌ కళాశాల అనుబంధంగా 330 పడకలు
వనపర్తి, ఫిబ్రవరి 2(ఆంధ్రజ్యోతి): రాష్ట్ర ప్రభుత్వం వనపర్తి జిల్లాకు మంజూరు చేసిన మెడికల్‌ కళాశాల ప్రారంభానికి ఏర్పాట్లు జరుగుతున్నాయి. ఈ మేరకు నేషనల్‌ మెడికల్‌ కౌన్సిల్‌ బృందం సోమవారం జిల్లా ఆస్పత్రితో పాటు నూతనంగా నిర్మించిన ఎంసీహెచ్‌ను, దాని పక్కనే తాత్కాళికంగా తరగతుల కోసం నిర్మించిన భవనాలను, వసతులను పరిశీలించింది. వసతులపై వారు సంతృప్తి వ్యక్తం చేసినట్లు తెలుస్తోంది. కళాశాల నిర్వహణకు సంబంధించిన పనులను వైద్య విద్య విభాగం అధికారులు ఎప్పటికప్పుడు పర్యవేక్షిస్తున్నారు. టీఎస్‌ ఎంఐడీసీ (తెలంగాణ మెడికల్‌ ఇన్‌ఫ్రాస్ట్రక్చర్‌ డెవలప్‌ మెంట్‌ కార్పొరేషన్‌) ఆధ్వర్యంలో కళాశాలకు కావాల్సిన సౌకర్యాలను సమకూరు స్తున్నారు. ఇప్పటికే సీనియర్‌ రెసిడెంట్‌ డాక్టర్లు, ప్రొఫెసర్లు, అసోసియేట్‌ ప్రొఫెసర్లు, అసిస్టెంట్‌ ప్రొఫెసర్లు, సూపరిం టెండెంట్‌ల నియామకం పూర్తవగా, హెడ్‌నర్సులు, స్టాఫ్‌ నర్సులు, ఇతర పారామెడికల్‌, నాన్‌ పారా మెడికల్‌ సిబ్బంది నియామకం కూడా పూర్తయ్యింది. వారందరూ విధుల్లో జాయిన్‌ అయ్యారు. ప్రస్తుతం ఎంసీహెచ్‌ దగ్గర తరగతుల నిర్వహణకు తాత్కాలికంగా ఏర్పాట్లు చేస్తుండగా, కళాశాల నిర్మాణం కోసం స్థలం కూడా కేటా యిం చారు. సీఎం కేసీఆర్‌ జిల్లాలో పర్యటించి, శంకుస్థాపన చేసిన తర్వాత పనులు ప్రారంభం కానున్నాయి. మెడికల్‌ కాలేజీకి అనుబంధంగా మంజూరు చేసిన నర్సింగ్‌ కళాశాల పనులు పురోగతిలో ఉన్నాయి.
