నేడు ‘నేతాజీ’పై వెబినార్‌

భారత స్వాతంత్ర్య పోరాట చరిత్రలో నేతాజీ సుభాష్‌ చంద్రబోస్‌ పేరు చిరస్మరణీయం. ఆయన 125వ జయంతిని సమున్నతంగా నిర్వహించడానికి జాతీయ స్థాయిలో ఒక సంస్మరణ కమిటీ గతంలో ఏర్పడింది. కొవిడ్‌, లాక్‌డౌన్‌ వంటి కారణాల వల్ల ఈ కార్యక్రమాలను పెద్దయెత్తున నిర్వహించడానికి వీలు కాలేదు. అందువల్ల ఈ సంస్మరణ కాల వ్యవధిని మరో సంవత్సరం పొడిగించాం. డిసెంబర్‌ 31, 2022న మధ్యాహ్నం మూడు గంటలకు ‘కర్టెన్‌ రైజర్‌’ పేరుతో ఒక వెబినార్‌ జరగనున్నది. జర్మనీలో ఉంటున్న నేతాజీ కుమార్తె డాక్టర్‌ అనితా బోస్‌ ఫాఫ్‌ ముఖ్య వ్యక్తగా ఈ వెబినార్‌ లో ప్రసంగిస్తారు. నేతాజీ సుభాష్‌ చంద్రబోస్‌ 125వ జయంతి కమిటీ అఖిలభారత గౌరవాధ్యక్షులు, ప్రముఖ శాస్త్రవేత్త డాక్టర్‌ సౌమిత్రి బెనర్జీ అధ్యక్షత వహిస్తారు. మోడరేటర్‌గా బిశ్వబసు దాస్‌ వ్యవహరిస్తారు. ఈ కార్యక్రమాన్ని https: //youtu.be/v1sUyR4mTYU, https:// fb.me/e/2YD6hn35D లలో వీక్షించవచ్చు.

– పి. తేజ, కన్వీనర్‌

నేతాజీ 125వ జయంతి సంస్మరణ కమిటీ