వెలిసిన రంగులతో.. చిరిగిన వస్త్రం
ABN , First Publish Date - 2022-04-25T06:16:43+05:30 IST
పగిలిన గాజుముక్కల్లో ఎన్ని కథలు ఉన్నాయో తెలుసా? అక్కడ ఆగి అవి వినేవాళ్లు వున్నారా...
పగిలిన గాజుముక్కల్లో
ఎన్ని కథలు ఉన్నాయో తెలుసా?
అక్కడ ఆగి అవి వినేవాళ్లు వున్నారా అనే గగురుపాటు
దిగులుగా కూర్చొని
ఆకాశాన్ని చూస్తూ
ఆలోచించే ఆ సమయమంతా చీకటి
కొంచెం కొంచెం ఆ రాత్రిలో
నలుగుతూ కదిలే కథంతా నిశ్శబ్దం
కథలన్నీ వాక్యాలు వాక్యాలుగా
విరుగుతూ ఒక అరుపు తెగిపడ్డాక
పాసిన చద్దన్నంలో
నీళ్ళూరుతున్న దృశ్యాన్ని చూసి
మరి ఇక ఒక పిచ్చివాని వోలే నవ్వుతావు
జీవం లేకుండా..
ఇక గాయంచేసే ఆ నిర్దయ క్షణాలన్నిటిని
రాయడం మొదలుపెడతావు
ఇప్పుడు
ఆ కథంతా
వెలిసిన రంగులతో
చిరిగిన వస్త్రం
లక్ష్మీ కందిమళ్ళ
89196 99815
