శ్రీశైలం జలాశయానికి భారీగా ఇన్‌ఫ్లో

శ్రీశైలం, జూలై 31: శ్రీశైలం జలాశయానికి ఎగువ పరీవాహక ప్రాంతాలైన జూరాల, సుంకేసుల జలాశయాల నుంచి వరద ప్రవాహం భారీగా కొనసాగుతోంది. ఆదివారం సాయంత్రం 6 గంటల సమయానికి జూరాల నుంచి 66,676 క్యూసెక్కులు, సుంకేసుల నుంచి 62,580.. మొత్తం 1,29,256 క్యూసెక్కుల వరద నీరు జలాశయానికి వస్తోంది. శ్రీశైలం జలాశయం పూర్తిస్థాయి నీటిమట్టం 885 అడుగులకు గాను ప్రస్తుతం 880.50 అడుగులు ఉంది. జలాశయం పూర్తిస్థాయి నీటి నిల్వ 215.807 టీఎంసీలకుగాను 190.7724 టీఎంసీలుగా నమోదైంది. ఆంధ్రప్రదేశ్‌ విద్యుత్‌ ఉత్పత్తి కేంద్రం ద్వారా 10,101 క్యూసెక్కులు, తెలంగాణ విద్యుత్‌ కేంద్రం ద్వారా 31,784 క్యూసెక్కుల నీటిని దిగువ నాగార్జున సాగర్‌కు వదులుతున్నారు.