EWS reservations: ఈడబ్ల్యూఎస్ రిజర్వేషన్లకు సుప్రీంకోర్టు సమర్థన సరికాదు: కేసన
ABN , First Publish Date - 2022-11-09T03:33:53+05:30 IST
ఆర్థికంగా బలహీన వర్గాల పేరుతో ఆధిపత్య కులాలకు విద్య, ఉద్యోగ రంగాల్లో పది శాతం రిజర్వేషన్లు కల్పించిన 103వ రాజ్యాంగ సవరణ చట్టాన్ని సుప్రీంకోర్టు సమర్ధించడం భారత రాజ్యాంగంలోని మౌలిక సూత్రాలకు విరుద్ధమని బీసీ సంక్షేమ సంఘం అధ్యక్షుడు కేసన శంకరరావు అన్నారు.
మంగళగిరి సిటీ, నవంబరు 8: ఆర్థికంగా బలహీన వర్గాల పేరుతో ఆధిపత్య కులాలకు విద్య, ఉద్యోగ రంగాల్లో పది శాతం రిజర్వేషన్లు కల్పించిన 103వ రాజ్యాంగ సవరణ చట్టాన్ని సుప్రీంకోర్టు సమర్ధించడం భారత రాజ్యాంగంలోని మౌలిక సూత్రాలకు విరుద్ధమని బీసీ సంక్షేమ సంఘం అధ్యక్షుడు కేసన శంకరరావు అన్నారు. మంగళగిరిలో మంగళవారం విలేకరుల సమావేశంలో ఆయన మాట్లాడారు. సుప్రీంకోర్టు మెజారిటీ న్యాయమూర్తుల తీర్పు దేశంలోని ఓబీసీలను తీవ్ర దిగ్ర్భాంతికి గురిచేసిందన్నారు. బీసీ సంక్షేమ సంఘం తరపున రివ్యూ పిటిషన్ దాఖలు చేస్తామని శంకరరావు స్పష్టంచేశారు.
