సందడిగా ‘యాదాద్రి’

యాదాద్రి-భువనగిరి: లాక్‌డౌన్ ఎత్తేయడంతో ఆలయాలకు భక్తులను అనుతిస్తున్నారు. యాదాద్రిలో ఈ రోజు నుండి స్వామివారి దర్శనాలను ఆలయ అధికారులు ప్రారంభించారు. భక్తులకు కోవిడ్-19 నిబంధనలు పాటిస్తూ స్వామి వారి దర్శనాలతో పాటు ఆర్జిత సేవలలో పాల్గొనేందుకు అవకాశం కల్పించారు. అభిషేకాల అనంతరం 9 గంటల నుంచి భక్తుల దర్శనాలను ప్రారంభించారు. భక్తుల రాకతో యాదాద్రి లక్ష్మీ నరసింహస్వామి వారి సన్నిధి సందడిగా మారింది. లాక్‌డౌన్ ఎత్తివేయడంతో 37 రోజుల తర్వాత దర్శనాలను ఆలయ అధికారులు పునరుద్దరించారు. ఆదివారం కావడంతో భక్తులు భారీగా తరలి వస్తున్నారు.