జీవో 317 జీవో రద్దు చేయాలి: షర్మిల
ABN , First Publish Date - 2021-12-30T08:09:12+05:30 IST
ఉద్యోగుల బదిలీలకు సంబంధించి స్థానికులను స్థానికేతరులుగా చేస్తున్న జీవో 317ను
![జీవో 317 జీవో రద్దు చేయాలి: షర్మిల](https://media.andhrajyothy.com/appimg/galleries/1921123001411/12302021023855n6.jpg)
ఉద్యోగుల బదిలీలకు సంబంధించి స్థానికులను స్థానికేతరులుగా చేస్తున్న జీవో 317ను రద్దు చేయాలని వైఎ్సఆర్టీపీ అధినేత్రి షర్మిల ప్రభుత్వాన్ని డిమాండ్ చేశారు. జూనియర్, సీనియర్ ఉద్యోగుల మధ్య లేని సమస్యను సృష్టించి పంచాయితీ పెడుతున్నారని మండిపడ్డారు. జీవో 317 రద్దు కోసం పోరాటం చేస్తున్న ఉద్యోగ, ఉపాధ్యాయ సంఘాలకు వైఎ్సఆర్టీపీ సంపూర్ణ మద్దతును ఇస్తుందని బుధవారం ఒక ప్రకటనలో ఆమె పేర్కొన్నారు. ఆదివాసీల హక్కులు కాలరాయడానికి ప్రభుత్వం విడుదల చేసిన జీవో నెం.317ను రద్దు చేయాలని గవర్నర్ తమిళిసై సౌందర్రాజన్ని బీజేపీ ఎంపీ సోయం బాపూరావు కోరారు. రాజ్భవన్లో బుధవారంనాడు గవర్నర్ను కలిసిన ఆయన.. ఈ మేరకు వినతిపత్రం సమర్పించారు. ఉద్యోగులు, ఉపాధ్యాయుల విభజన కోసం తీసుకొచ్చిన జీఓ నెంబర్ 317తో వారికి తీవ్ర అన్యాయం జరుగుతుందని, ముఖ్యంగా బీసీ ఉద్యోగ, ఉపాధ్యాయులకు గుదిబండగా మారిందని, తక్షణమే దీనిని రద్దు చేయించాలని గవర్నర్ను బీసీ సంక్షేమ సంఘం రాష్ట్ర అధ్యక్షుడు జాజుల శ్రీనివా్సగౌడ్ విజ్ఞప్తి చేశారు. ఈ మేరకు బుధవారం వినతిపత్రం ఇచ్చారు.