వన్డే క్రికెట్‌లో అత్యధికసార్లు.. తొంబైల్లో ఔటైన భారత ఓపెనర్లు వీరే..

ABN , First Publish Date - 2021-03-24T18:18:12+05:30 IST

పుణే వేదికగా మంగళవారం ఇంగ్లండ్‌తో జరిగిన తొలి వన్డేలో భారత ఓపెనర్ శిఖర్ ధావన్ రెండు పరుగుల తేడాతో సెంచరీ మిస్ చేసుకున్న విషయం తెలిసిందే.

వన్డే క్రికెట్‌లో అత్యధికసార్లు.. తొంబైల్లో ఔటైన భారత ఓపెనర్లు వీరే..

ఇంటర్నెట్ డెస్క్: పుణే వేదికగా మంగళవారం ఇంగ్లండ్‌తో జరిగిన తొలి వన్డేలో భారత ఓపెనర్ శిఖర్ ధావన్ రెండు పరుగుల తేడాతో సెంచరీ మిస్ చేసుకున్న విషయం తెలిసిందే. 106 బంతుల్లో 98 పరుగులు చేసిన గబ్బర్ ఓ భారీ షాట్ ఆడే క్రమంలో సులువైన క్యాచ్‌తో పెవిలియన్ చేరాడు. కాగా, ధావన్ ఓపెనర్‌గా వచ్చి తొంబైల్లో అవుట్ కావడం ఇది ఐదో సారి. ఇలా వన్డే క్రికెట్‌లో అత్యధికసార్లు తొంబైల్లో ఔటైన టీమిండియా ఓపెనర్ల జాబితాను పరిశీలిస్తే.. లిటిల్ మాస్టర్ సచిన్ టెండూల్కర్ తొలిస్థానంలో ఉన్నారు. సచిన్ ఏకంగా 16 సార్లు తొంబైల్లో పెవిలియన్ చేరారు. సచిన్ తర్వాతి స్థానంలో సౌరవ్ గంగూలీ ఉన్నారు. దాదా ఆరుసార్లు ఇలా తొంబై పరుగుల వద్ద అవుటయ్యారు. వీరేంద్ర సెహ్వాగ్ కూడా ఐదుసార్లు తొంబైల్లో ఔటయ్యారు. ఇలా ఈ నలుగురు ఓపెనర్లకు 90 మార్క్ పీడకలను మిగిల్చిందనే చెప్పాలి. ఇక ఇలా తృటిలో శతకం చేజారితే ఆ బ్యాట్స్‌మెన్ బాధ వర్ణనాతీతం.       



Updated Date - 2021-03-24T18:18:12+05:30 IST