అమెరికాలో 2 కోట్ల వ్యాక్సిన్ల లెక్క తేలడం లేదట!

ABN , First Publish Date - 2021-02-01T07:18:57+05:30 IST

ప్రపంచవ్యాప్తంగా అత్యధిక కరోనా కేసులు, మరణాలు అమెరికాలోనే నమోదైన విషయం తెలిసిందే. మరోపక్క కరోనాను నియంత్రించేందుకు

అమెరికాలో 2 కోట్ల వ్యాక్సిన్ల లెక్క తేలడం లేదట!

వాషింగ్టన్: ప్రపంచవ్యాప్తంగా అత్యధిక కరోనా కేసులు, మరణాలు అమెరికాలోనే నమోదైన విషయం తెలిసిందే. మరోపక్క కరోనాను నియంత్రించేందుకు వ్యాక్సినేషన్ ప్రక్రియ కూడా అమెరికాలో వేగంగా సాగుతోంది. ఇదిలా ఉంటే.. అమెరికాలో ప్రస్తుతం దాదాపు రెండు కోట్ల వ్యాక్సిన్ల లెక్క తేలడం లేదని అధికారులు ఆందోళన వ్యక్తం చేస్తున్నారు. అమెరికాలోని అన్ని రాష్ట్రాలకు తాము ఇప్పటివరకు ఐదు కోట్ల వ్యాక్సిన్లను పంపినట్టు సెంటర్స్ ఫర్ డిసీజ్ కంట్రోల్ అండ్ ప్రివెన్షన్(సీడీసీ) చెబుతోంది. 


తాము పంపిన వ్యాక్సిన్లలో ఇప్పటివరకు 3.11 కోట్ల వ్యాక్సిన్లను మాత్రమే వైద్యులు వేయడం జరిగిందని, మిగతా వ్యాక్సిన్ల లెక్క తేలడం లేదని తెలిపింది. వివిధ రాష్ట్రాల నుంచి లెక్కలు ఆలస్యం కావడం వల్ల దాదాపు 20 లక్షల వ్యాక్సిన్ల డేటా రావాల్సి ఉందని సీడీసీ పేర్కొంది. అయితే మిగతా వ్యాక్సిన్లు మాత్రం ఇప్పటివరకు ప్రజలకు అయితే వేయలేదని, బహుశా అవి ఇప్పటికి ఫ్రీజర్లలో, వేర్ హౌస్‌లలోనే ఉండొచ్చని చెప్పుకొచ్చింది. బైడెన్ ప్రభుత్వం వంద రోజుల్లో పది కోట్ల వ్యాక్సిన్ డోస్‌లు వేయడమే లక్ష్యంగా ముందుకు వెళ్తోంది. అయితే ఇప్పుడు వ్యాక్సిన్ డోస్‌ల లెక్కల్లో తేడా కనిపిస్తుండటంతో పది కోట్ల లక్ష్యాన్ని చేరుకుంటామా లేదా అనే సందేహాన్ని కొందరు వ్యక్తం చేస్తున్నారు.

Updated Date - 2021-02-01T07:18:57+05:30 IST