పిల్లల ఆహారం ఇలా...
ABN , First Publish Date - 2021-10-07T05:30:00+05:30 IST
పిల్లల ఆహార విషయంలో ప్రత్యేక జాగ్రత్తలు తీసుకోవాలి. పిల్లలు ఇష్టంగా తినే ఆహారం ఆరోగ్యానికి మంచిది కాకపోవచ్చు....
- పిల్లల ఆహార విషయంలో ప్రత్యేక జాగ్రత్తలు తీసుకోవాలి. పిల్లలు ఇష్టంగా తినే ఆహారం ఆరోగ్యానికి మంచిది కాకపోవచ్చు. కాబట్టి ఇష్టంగా తింటున్నారని కాకుండా, పిల్లల ఆరోగ్యానికి ఏది మంచిదో దాన్ని తినిపించే ప్రయత్నం చేయాలి.
- పిల్లలకు వేపుడు పదార్థాలు, ప్రాసెస్డ్‌ ఫుడ్‌ను పెట్టకూడదు. ఈ రకమైన ఆ పిల్లలు ఇష్టపడే మరో స్నాక్స్‌ చిప్స్‌. క్యాలరీలు, ఉప్పు, అనారోగ్యకరమైన ఫాట్‌.. ఇలా వీటిలో అన్నీ ఎక్కువే. అందుకే పిల్లలకు వీటి బదులు ఉడికించిన బంగాళదుంపలు, ఇంట్లో చేసిన పాప్‌కార్న్‌ అందించాలి.
- ప్యాకేజ్డ్‌ ఫ్రూట్‌ జ్యూస్‌లు, స్పోర్ట్స్‌ డ్రింక్‌లలో షుగర్‌ పాళ్లు ఎక్కువ. ఇవి పిల్లల్లో కావిటీకి కారణమవుతాయి. వీటికి బదులుగా కొబ్బరి నీళ్లు, తాజా పండ్లతో చేసిన జ్యూస్‌లు ఇవ్వాలి.
- పిల్లలు కెచప్‌ కావాలంటారు. కానీ కెచప్‌లలో ప్రిజర్వేటివ్స్‌ వాడతారు. అలాంటి ప్రాసెస్డ్‌ కెచప్‌ కన్నా ఇంట్లో చేసిన టొమాటో చట్నీని పిల్లలకు అందివ్వాలి.
- ఫ్లేవర్డ్‌ యోగర్ట్‌లో క్యాలరీలు ఎక్కువగా ఉంటాయి. అంతేకాకుండా వాటిలో కృత్రిమ ఫ్లేవర్స్‌ వాడతారు. అందుకే పిల్లలకు ఇంట్లో చేసిన పెరుగు వేసుకునేలా ప్రోత్సహించాలి.
- ప్యాకేజ్డ్‌ సెరల్స్‌ బ్రేక్‌ఫాస్ట్‌గా పిల్లలను బాగా ఆకట్టుకుంటాయి. కానీ అవి పిల్లల దంతాలకు హాని చేస్తాయి. అందుకే వాటి జోలికి వెళ్లకుండా బాయిల్డ్‌ ఎగ్స్‌, ఓట్స్‌ను బ్రేక్‌ఫాస్ట్‌గా అందించాలి.
Updated Date - 2021-10-07T05:30:00+05:30 IST
