ప్రేమించిన వాడిని కలిసిందని.. సొంత అన్నే కాలయముడయ్యాడు.. దారుణంగా చంపి అనుమానం రాకుండా.. చివరికి ఎలా తేలిందంటే..

రాయ్‌పూర్: ఛత్తీస్‌గఢ్‌లోని కొండగావ్ జిల్లాలో ఓ  గ్రామ సర్పంచ్ తన సోదరిని కొట్టి కొట్టి దారుణంగా చంపాడు. చెల్లెలనే కనికరం కూడా లేకుండా ప్రేమికుడి ఇంటికి వెళ్లిందని ఆగ్రహించిన సర్పంచ్.. అతడి ఇంటికి కుటుంబసభ్యులతో కలిసి వెళ్లాడు. అక్కడే తన సోదరిని దారుణంగా కొట్టాడు. దీంతో ఆమె చనిపోయింది. అయితే స్పృహ తప్పిందనుకుని ఆసుపత్రి తీసుకెళ్లగా.. ఆమె చనిపోయిందని డాక్టర్లు చెప్పారు. అయితే ఆమె చావును హార్ట్‌ ఎటాక్‌గగా చిత్రీకరించిన సర్పంచ్, అతడి కుటుంబసభ్యులు.. హుటాహుటిన అంత్యక్రియలు చేశారు. అయితే ఆమె ప్రేమికుడు ఇచ్చిన ఫిర్యాదుతో పోలీసులు రంగ ప్రవేశం చేసి నిందితులను అరెస్టు చేశారు.

ఇరగావ్ పోలీసులు తెలిపిన వివరాల ప్రకారం.. జిల్లాలోని మడ్క్డా గ్రామానికి చెందిన లలితా నాగ్(25) అక్టోబర్ 16న తన ప్రేమికుడు సంతోష్ కర్రోమ్ ఊరైన కనగావ్‌కు వెళ్లింది. తాను వెళుతున్నట్లు కుటుంబ సభ్యులకు ఆమె సమాచారం ఇవ్వలేదు. ఈ విషయం అతని అన్నయ్య, మడ్క్డా గ్రామ సర్పంచ్ నారాయణ్ నాగ్‌కు తెలియడంతో, అతను అదే రోజు తన కుటుంబంలోని ఇతర సభ్యులతో పాటు గ్రామంలోని ఇంకొంతమందిని తీసుకుని కనగావ్‌కు వెళ్లాడు. ఆ సమయంలో సంతోష్ ఇంట్లో లేడు. సంతోష్ ఇంట్లోకి వెళ్లిన సర్పంచ్ అక్కడున్న తన సోదరిని నిర్దాక్షిణ్యంగా కొట్టాడు. సర్పంచ్ కుటుంబ సభ్యులు కూడా ఆమెను కొట్టారు. ఈ సమయంలోనే ఆమె తల బలంగా గోడకు కొట్టడంతో ఆమె అక్కడికక్కడే స్పృహ తప్పి పడిపోయింది.

వెంటనే ఆమెను కారులో కనగావ్‌లోని ఆసుపత్రికి తీసుకెళ్లారు. కాని ఆసుపత్రిలో డాక్టర్ కనిపించలేదు. ఆపై ఆమెను గ్రామంలోని సిర్హాకు తీసుకెళ్లారు. బాలిక చనిపోయిందని చెప్పారు. భయాందోళనకు గురైన బంధువులు మృతదేహంతో మడ్క్డా గ్రామానికి చేరుకున్నారు. లలిత గుండెపోటుతో చనిపోయిందని గ్రామంలోని ఇతర గ్రామస్తులకు చెప్పాడు. ఎవరికీ అనుమానం కూడా రాకుండా అంత్యక్రియలు కూడా చేసేశారు.

ఈ ఘటనపై కొండగావ్ జిల్లాకు చెందిన ఎస్‌డీఓపీ భూపత్ సింగ్ మాట్లాడుతూ.. లలిత ప్రేమికుడు సంతోష్‌కు 1 వారం తర్వాత మరణం గురించి సమాచారం వచ్చినప్పుడు, అతను వెంటనే పోలీసులకు సమాచారం ఇచ్చాడు. అనంతరం ఇరగావ్ పోలీసులు సర్పంచ్‌ను అదుపులోకి తీసుకుని విచారించారు. సర్పంచ్ తన నేరాన్ని అంగీకరించాడు. అతడితో పాటు కేసులో ఉన్న వారందరి వివరాలూ తెలిపాడు. దీంతో పోలీసులు వారందరినీ బుధవారం అరెస్టు చేసి జైలుకు తరలించారు. సర్పంచ్ నారాయణ్ నాగ్(33) తోపాటు ఇతర కుటుంబ సభ్యులు రూప్ సింగ్ నాగ్(40), మంగతు(45), రత్తురామ్ సలాం(52), సంతోష్ మరాపి(21)లతో పాటు ఓ మైనర్‌ను కూడా నిందితులుగా గుర్తించిన పోలీసులు.. అందరినీ అరెస్టు చేసి జైలుకు తరలించారు.