మార్కెట్లోకి ప్రెస్టీజ్‌ స్వచ్ఛ్‌ గ్యాస్‌ స్టవ్‌

కిచెన్‌ అప్లయెన్సెస్‌ తయారీ సంస్థ టీటీకే ప్రెస్టీజ్‌.. మార్కెట్లోకి స్వచ్ఛ్‌ గ్లాస్‌ టాప్‌ గ్యాస్‌ స్టవ్‌ను విడుదల చేసింది. అత్యంత సులభంగా శుభ్రం చేసుకునే విధంగా దీన్ని తీర్చిదిద్దినట్లు తెలిపింది. ఈ గ్యాస్‌ స్టవ్‌లో వినూత్నమైన రీతిలో పైకి లేపగలిగిన బర్నర్‌ సెట్‌, డ్రిప్‌ ఫ్రీ డిజైన్‌తో తీసుకువచ్చినట్లు పేర్కొంది. ఈ గ్యాస్‌ స్టవ్‌, 2,3,4 బర్నర్‌ వేరియంట్‌లో అందుబాటులో ఉండనుంది. ఐదేళ్ల వారంటీతో కూడిన స్వచ్ఛ్‌ గ్యాస్‌ స్టవ్‌ ప్రారంభ ధర రూ.8,995. అయితే పరిచయ ఆఫర్‌లో భాగంగా రూ.7,200 ప్రారంభ ధరతో పరిమిత కాలం పాటు అందుబాటులో ఉంటుంది.