హైదరాబాదీ కంపెనీ ఆల్‌టైమ్ రికార్డ్...

హైదరాబా్ద్ : ప్రిసిషన్ ఇంజనీరింగ్ ప్రొడక్ట్స్ లీడింగ్ కంపెనీ ‘ఎంటీఏఆర్ టెక్నాలజీస్’ షేర్లు మార్కెట్‌లో  దూసుకుపోతున్నాయి. శుక్రవారం ఇంట్రాడేలో 11 శాతం లాభపడిన ఈ సంస్థ షేర్లు రూ. 1638.85 ధర దగ్గర ఆల్‌టైమ్ రికార్డ్ ప్రైస్‌ను క్రియేట్ చేశాయి. దీంతో జులై 16 న నమోదైన రూ. 1,562 ధర రికార్డు తుడిచిపెట్టుకుపోయింది మార్చి 15 న మార్కెట్లలో లిస్ట్ అయిన ఎంటార్ ‌షేర్లు ఎక్కడా తగ్గలేదు. ఇష్యూ ధర రూ. 575 తో పోల్చితే  ఈ ఏడు నెలల కాలంలో 185 శాతం పెరిగింది.  ఈ రోజు(శుక్రవారం)  ట్రేడింగ్‌లో ఎంటీఏఆర్ టెక్నాలజీస్ షేర్లు భారీ వాల్యూమ్స్ నమోదు కావడం మరో రికార్డు. ఏకంగా 12 లక్షల షేర్లు ఎన్ఎస్ఈ, బిఎస్ఈ కౌంటర్లలో ట్రేడ్ అయ్యాయి. గతంలో ఈ వాల్యూమ్స్ నాలుగు లక్షలకే పరిమితమయ్యేవని ఎక్స్ఛేంజీలసమాచారం వెల్లడిస్తోంది. మార్కెట్లలో ఈ బజ్‌కు కారణం... రెండు రోజుల క్రితం రేటింగ్ ఏజెన్సీ  క్రిసిల్, కంపెనీ లాంగ్ టర్మ్ బ్యాంక్ లోన్లకు బీబీబీ+/ పాజిటివ్  నుంచి  ఏ/స్టేబుల్ రేటింగ్‌కు అప్‌గ్రేడ్ చేసింది. షార్ట్‌టర్మ్ బ్యాంక్ ఫెసిలిటీలకు  ఏ2 నుంచి ఏ2+కు  మార్చింది. న్యూక్లియర్ సెక్టార్‌లో న్యూక్లియర్ పవర్ కార్పొరేషన్ ఆఫ్ ఇండియా, ఇస్రో, డీఆర్‌డీఓ వంటి కంపెనీలను తన క్లయింట్లుగా కలిగిన ఎంటీఏఆర్ టెక్నాలజీస్ హైదరాబాద్‌కు  చెందిన కంపెనీయే.  ప్రస్తుతం ఎంటీఏఆర్ టెక్నాలజీస్ షేర్లు 7.42శాతం లాభంతో  1589.35 వద్ద ట్రేడ్ అవుతున్నాయి.