పెద్దమ్మ, పెదనాన్నలకు పెళ్లిరోజు శుభాకాంక్షలు: ఎంపీ సంతోష్

హైదరాబాద్: సీఎం కేసీఆర్ దంపతుల వివాహ వార్షికోత్సవం సందర్భంగా టీఆర్ఎస్ పార్టీ రాజ్యసభ సభ్యుడు సంతోష్ కుమార్ శుభాకాంక్షలు తెలిపారు. సీఎం కేసీఆర్ దంపతులతో పాటు, సంతోష్ కుమార్ తల్లిదండ్రుల పెళ్లిరోజు కూడా ఇవాళే. ట్విట్టర్ వేదికగా ఆ రెండు జంటలను విష్ చేసిన ఆయన.. తల్లిదండ్రులుగా అమ్మానాన్నలను కలిగి ఉన్నందుకు ధన్యుడినని పేర్కొన్నారు. తన జీవితంలో పెద్దమ్మ, పెద్దనాన్నలు అత్యంత విలువైన వారంటూ కేసీఆర్, శోభ దంపతులను ఉద్దేశించి సంతోష్ వ్యాఖ్యానించారు. చిరకాలం ఆరోగ్యంగా, సంతోషంగా జీవించాలని కోరుతున్నానంటూ ట్వీట్ చేశారు. అంతేగాక ఆ రెండు జంటల పెళ్లినాటి ఫొటోలను.. ఇప్పటి ఫొటోలను ట్వీట్‌కు జత చేశారు.