మౌంట్ లిటేరా స్కూల్‌పై హెచ్ఆర్సీలో ఫిర్యాదు చేసిన శివబాలాజీ

హైదరాబాద్: మణికొండలోని మౌంట్ లిటేరా జీ స్కూల్ తీరుపై సినీ హీరో శివబాలాజీ ఘాటుగా స్పందించారు. స్కూల్‌పై మానవహక్కుల కమిషన్‌‌కు ఫిర్యాదు చేసిన ఆయన అనంతరం మీడియాతో మాట్లాడారు. బలవంతంగా ఫీజు వసూలు చేస్తోందని, గవర్నమెంట్ ఆదేశాలను బేఖాతర్ చేస్తోందని ఆరోపించారు. ఫీజు వసూలు కోసం అనవసర పరీక్షలు కూడా నిర్వహిస్తోందని వ్యాఖ్యానించారు. ఎవరైనా ప్రశ్నిస్తే బెదిరింపులకు పాల్పడుతుందన్నారు. పిల్లలకు ఆన్లైన్ క్లాసులు చెప్పకుండా ఐడీ బ్లాక్ చేస్తుందని, ఎదురు తిరిగి అడిగితే కేసులు పెడతామని బెదిరిస్తున్నారని వాపోయారు. ‘మీరు పిల్లలకు క్లాసులు తీసుకోవడం కాదు, నేను మీకు క్లాసులు తీసుకుంటా’ అంటూ శివబాలాజీ ఘాటుగా హెచ్చరించారు.