రేపు కొన్నిచోట్ల భారీ వర్షాలు!
ABN , First Publish Date - 2020-04-26T09:47:38+05:30 IST
రాష్ట్రవ్యాప్తంగా కొన్నిచోట్ల సోమవారం భారీ వర్షాలు కురిసే అవకాశం ఉందని..
హైదరాబాద్‌, ఏప్రిల్‌ 25 (ఆంధ్రజ్యోతి): రాష్ట్రవ్యాప్తంగా కొన్నిచోట్ల సోమవారం భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం వెల్లడించింది. అక్కడక్కడ ఉరుములు, మెరుపులు, ఈదురుగాలులతో (గంటకు 30-40 కి.మీ) పాటు తేలికపాటి నుంచి మోస్తరు వర్షాలు కురవొచ్చని తెలిపింది. ఆదివారం కూడా వర్షాలు కురిసే అవకాశం ఉందని పేర్కొంది. ఇక రాష్ట్రంలో గరిష్ఠ ఉష్ణోగ్రతలు సాధారణం కంటే 2 నుంచి 3 డిగ్రీలు ఎక్కువగా నమోదవుతుండటం గమనార్హం.
Updated Date - 2020-04-26T09:47:38+05:30 IST
