13 ఏళ్ల బాలుడికి కరోనా..

వరంగల్: కరోనా వైరస్ కట్టడికి తెలంగాణ ప్రభుత్వం కఠిన చర్యలు తీసుకుంటున్నప్పటికీ రోజురోజుకూ కోవిడ్ -19 పాజిటివ్ కేసులు పెరిగిపోతున్నాయి. వరంగల్ అర్బన్ జిల్లాలోని వెలేరు మండలం ఎర్రబెల్లి తండాకు చెందిన 13 సంవత్సరాల బాలుడికి కోవిడ్ -19 పాజిటివ్ వచ్చినట్లు ఆరోగ్య శాఖ అధికారి తెలిపారు. బాలుడికి ప్రైమరీ కాంటాక్ట్ కావడం వల్ల కరోనా సోకిందని డీఎంహెచ్ ఓ డాక్టర్ కే లలితాదేవి తెలిపారు. ఎర్రబెల్లి గ్రామాన్ని కలెక్టర్ కంటోన్మెంట్ జోన్ గా ప్రకటించారు. ప్రజలు ఎవ్వరు కూడా ఇంటి నుంచి బయటకు రాకూడదని తెలిపారు. ఆదివారం రోజు వైద్య సిబ్బంది ఇంటిఇంటి సర్వేకు వస్తారని, వారికి ప్రజలు సహకరించాలని వైద్య అధికారులు తెలిపారు.