మరో బాలుడికి కరోనా పాజిటివ్‌
ABN , First Publish Date - 2020-04-26T09:22:22+05:30 IST
వేలేరు మండలం ఎర్రబెల్లి తండాకు చెందిన 13 సంవత్సరాల బాలుడికి కరోనా పాజిటివ్‌ రిపోర్ట్‌ వచ్చింది.
హన్మకొండ అర్బన్‌/వేలేరు(ధర్మసాగర్‌), ఏప్రిల్‌ 25: వేలేరు మండలం ఎర్రబెల్లి తండాకు చెందిన 13 సంవత్సరాల బాలుడికి కరోనా పాజిటివ్‌ రిపోర్ట్‌ వచ్చింది. నాలుగు రోజుల క్రితం పూరిగుట్టకు చెందిన ఓ బాలికాకు కరోనా పాటిజివ్‌ వచ్చిన విషయం తెలిసిందే. కాగా, ఆ కుటుంబానికి ఎర్రబెల్లి గ్రామస్థులు దగ్గరి బంధువులు. ఈ రెండు కుటుంబాలు పూరిగుట్టలో కొన్ని రోజుల కలిసి ఉన్న విషయాన్ని ఎర్రబెల్లి గ్రామస్థులు వైద్య అధికారులు, పోలీసులకు తెలిపారు.
దీంతో నాలుగు రోజుల క్రితం ఎర్రబెల్లికి చెందిన ఎనిమిది మందిని కేయూ క్వారంటైన్‌ సెంటర్‌కు తరలించారు. వైద్య పరీక్షలు నిర్వహించగా వీరిలో ఏడుగురికి నెగెటివ్‌ రిపోర్టు రాగా ఓ బాలుడికి పాజిటివ్‌గా తేలింది. వెంటనే బాలుడిని హైదరాబాద్‌ గాంధీ ఆస్పత్రికి తరలించారు.
