సాదాబైనామాలకు ఉచిత క్రమబద్దీకరణ- కేసీఆర్‌

హైదరాబాద్‌: మున్సిపాలటీలు, కార్పొరేషన్‌లలో విలీనమైన గ్రామాల్లో సాదా బైనామాల ద్వారా జరిగిన వ్యవసాయ భూముల క్రయవిక్రయాలను ఉచితంగా క్రమబద్దీకరించాలని ముఖ్యమంత్రి కేసీఆర్‌ నిర్ణయించారు. దరఖాస్తు చేసుకునేందుకు వారం రోజుల పాటు గడువు ఇవ్వాలని ఆదేశించారు. దీనికి సంబంధించి వెంటనే ఉత్తర్వులను జారీ చేయాలని ప్రభుత్వ ప్రధాన కార్యదర్శి సోమేశ్‌కుమార్‌ను ఆదేశించారు. కొడకండ్లలో రైతు వేదిక ప్రారంభించిన తర్వాత ముఖ్యమంత్రి కేసీఆర్‌ ఉమ్మడి వరంగల్‌ జిల్లాకు చెందిన మంత్రులు, ఎమ్మెల్యేలు,ఎంపీలు, ఎమ్మెల్సీలతో ప్రత్యేకంగా సమావేశమయ్యారు.

వరంగల్‌ కార్పొరేషన్‌లో విలీనమైన గ్రామాల్లో కూడా సాదాబైనామాలను క్రమబద్దీకరించాలని ముఖ్యమంత్రి కేసీఆర్‌ రాష్ట్రంలోని అన్ని మున్సిపాలిటీల పరిధిలోని విలీన గ్రామాల్లో సాదాబైనామాలతో జరిగిన వ్యవసాయ భూముల క్రయవిక్రయ లావాదేవీలను క్రమబద్దీకరించడానికి హామీ ఇచ్చారు.