అగ్రి డాక్టర్స్‌ అసోసియేషన్‌ డైరీ ఆవిష్కరణ

హైదరాబాద్‌, డిసెంబరు 29 (ఆంధ్రజ్యోతి): తెలంగాణ అగ్రి డాక్టర్స్‌ అసోసియేషన్‌(టాడా) డైరీని మంత్రి కేటీఆర్‌ మంగళవారం ఆవిష్కరించారు. టాడా గౌరవ అధ్యక్షుడు, కల్వకుర్తి ఎమ్మెల్యే గువ్వల బాలరాజు, వ్యవస్థాపక అధ్యక్షుడు, తెలంగాణ ఆగ్రోస్‌ ఎండీ కె. రాములు ఆధ్వర్యంలో వ్యవసాయ అధికారుల బృందం కేటీఆర్‌ను కలిసింది. ఈ సందర్భంగా సంఘం డైరీని, క్యాలెండరును కేటీఆర్‌ ఆవిష్కరించారు. వ్యవసాయశాఖ అధికారులు ఎదుర్కొంటున్న సమస్యలను సంఘం ప్రతినిధులు కేటీఆర్‌కు వివరించారు. ముఖ్యమంత్రి కేసీఆర్‌ దృష్టికి సమస్యలు తీసుకెళ్లి పరిష్కారానికి కృషిచేస్తానని మంత్రి కేటీఆర్‌ హామీ ఇచ్చారు.