ఒక్కోసారి ఇలా వేడుకోవాల్సిందే..!

రాంచీ: బిజీ షెడ్యూల్‌కు దూరంగా కావాల్సినంత ఖాళీ సమయం దొరకడంతో క్రికెటర్లంతా ఇళ్లల్లోనే గడుపుతున్నారు. మాజీ కెప్టెన్‌ ఎంఎస్‌ ధోనీ కూడా ఇందుకు మినహాయింపేమీ కాదు. ఈ సందర్భంగా అతను ఐపాడ్‌లో వీడియో గేమ్స్‌కు అతుక్కుపోగా భర్త దృష్టిని మరల్చేందుకు సాక్షి పాట్లు పడుతోంది. ఇన్‌స్టాగ్రామ్‌లో ఆమె పోస్ట్‌ చేసిన ఫొటోలో ధోనీ మంచంపై పడుకుని గేమ్స్‌ ఆడుకుంటుండగా సాక్షి అతడి కాలి బొటనవేలిని సరదాగా కొరుకుతున్నట్టు కనిపించింది. ‘మిస్టర్‌ స్వీటీ దృష్టిని ఆకట్టుకునేందుకు ఒక్కోసారి ఇలా వేడుకోవాల్సి వస్తుంది’ అని సాక్షి కామెంట్‌ చేసింది.