‘బుట్టబొమ్మ’ తర్వాత ‘సన్నజాజి పడకా’పై వార్నర్ డ్యాన్స్

సిడ్నీ: ఆస్ట్రేలియా ఆటగాడు, సన్‌రైజర్స్ హైదరాబాద్ జట్టు కెప్టెన్ డేవిడ్ వార్నర్ తనకు సంబంధించి అప్‌డేట్స్‌ని ప్రతీ రోజు అభిమానులతో సోషల్‌మీడియా వేదికగా పంచుకుంటున్నాడు. ముఖ్యంగా అతను తన భార్య క్యాండీస్ వార్నర్‌తో కలిసి చేస్తున్న ‘టిక్‌-టాక్’ వీడియోలో అభిమానులను అలరిస్తున్నాయి. ఇటీవలే తన భార్యతో క్యాండీస్‌తో కలిసి అల్లుఅర్జున్ రీసెంట్ సూపర్ హిట్ చిత్రం ‘అల వైకుంఠపురంబులో’లోని ‘బుట్టబొమ్మ’ పాటపై వార్నర్ తన భార్యతో కలిసి డ్యాన్స్ చేసిన విషయం తెలిసిందే. ఈ వీడియో సోషల్‌మీడియలో వైరల్ అయింది

తాజాగా డేవిడ్ వార్నర్.. తన ఫ్యామిలీతో మరో పాటకి టిక్‌టాక్ వీడియో‌ చేసి.. అందరినీ అశ్చర్యపడిచారు. ‘సన్నజాజి పడకా’ పాట మ్యూజిక్‌కి వార్నర్‌, క్యాండిస్‌తో పాటు.. అతని కూతురు కూడా చిందులు వేసింది. ఈ వీడియో ప్రస్తుతం సోషల్‌మీడియాలో వైరల్ అయింది.