Live
TV
అనధికార టోర్నీలకు దూరంగా ఉండండి
ABN , First Publish Date - 2020-12-15T06:04:28+05:30 IST
అనధికార టోర్నీలకు దూరంగా ఉండాలని ఆటగాళ్లు, కోచ్‌లు, సాంకేతిక సిబ్బందిని భారత బ్యాడ్మింటన్‌ సంఘం (బాయ్‌) హెచ్చరించింది. వచ్చే నెలలో గోవాకు చెందిన ఓ సంస్థ అనధికార టోర్నీని నిర్వహించనుందనే సమాచారం నేపథ్యంలో...
- షట్లర్లకు బాయ్‌ హెచ్చరిక
న్యూఢిల్లీ: అనధికార టోర్నీలకు దూరంగా ఉండాలని ఆటగాళ్లు, కోచ్‌లు, సాంకేతిక సిబ్బందిని భారత బ్యాడ్మింటన్‌ సంఘం (బాయ్‌) హెచ్చరించింది. వచ్చే నెలలో గోవాకు చెందిన ఓ సంస్థ అనధికార టోర్నీని నిర్వహించనుందనే సమాచారం నేపథ్యంలో బాయ్‌ అప్రమత్తమైంది. ‘గోవాకు చెందిన భారత యువజన, క్రీడల అభివృద్ధి సంఘం ఆధ్వర్యంలో జాతీయ ఫెడరేషన్‌ కప్‌ను నిర్వహించనున్నట్టు ప్రకటన వెలువడింది. రానున్న అంతర్జాతీయ టోర్నీలకు ఇది సెలెక్షన్‌ ఈవెంట్‌ అని ఆ సంఘం పేర్కొంది. కానీ, దీనిపై మాకెలాంటి సమాచారం లేదు. అంతర్జాతీయ టోర్నీకి ఆటగాళ్లను ఎంపిక చేసే అధికారం జాతీయ ఫెడరేషన్లకు మాత్రమే ఉంది. షట్లర్లు మోసపోవద్దు’ అని బాయ్‌ స్పష్టం చేసింది.
