ఒమన్ మరో కీలక నిర్ణయం !
ABN , First Publish Date - 2020-03-19T15:15:36+05:30 IST
దేశ వ్యాప్తంగా కరోనా(కొవిడ్-19) వైరస్ రోజురోజుకూ శరవేగంగా వ్యాప్తి చెందుతున్న నేపథ్యంలో ఈ నెల 17వ తేదీ నుంచి విదేశీయులను(గల్ఫ్ దేశాల పౌరులను మినహాయించి) దేశంలోకి రాకుండా నిషేధం విధించిన ఒమన్ తాజాగా మరో కీలక నిర్ణయం తీసుకుంది.
ఒమన్: దేశ వ్యాప్తంగా కరోనా(కొవిడ్-19) వైరస్ రోజురోజుకూ శరవేగంగా వ్యాప్తి చెందుతున్న నేపథ్యంలో ఈ నెల 17వ తేదీ నుంచి విదేశీయులను(గల్ఫ్ దేశాల పౌరులను మినహాయించి) దేశంలోకి రాకుండా నిషేధం విధించిన ఒమన్ తాజాగా మరో కీలక నిర్ణయం తీసుకుంది. ఆ దేశ పర్యాటక మంత్రిత్వ శాఖ బుధవారం విదేశాల నుంచి వచ్చిన టూరిస్ట్ గ్రూపులు వెంటనే తమ దేశాలకు వెళ్లిపోవాలని ఆదేశించింది. కరోనా మహమ్మారిని అరికట్టే క్రమంలో ఈ నిర్ణయం తీసుకున్నట్లు పర్యాటక శాఖ ట్వీట్ చేసింది. శుక్రవారాల్లో చేసే ప్రార్థనలపై కూడా సస్పెన్షన్ విధించిన సర్కార్... పబ్లిక్ పార్కులను మూసివేయించింది. అలాగే సుల్తానేట్‌కు రోడ్డు, సముద్రం, వాయు మార్గాల ద్వారా చేరుకున్న ప్రతి ఒక్కరికీ క్వారంటైన్ వర్తింపజేయాలని నిర్ణయించింది.
