వీడియో: కెన్యాలో నర్సుల జుంబా డ్యాన్స్

నైరోబి: కెన్యాలో నర్సులు, ఆరోగ్య కార్యకర్తలు జుంబా డ్యాన్స్ చేశారు. కరోనా రోగులకు చికిత్స చేసే నర్సుల్లో ధైర్యం నింపే ప్రయత్నం చేసేందుకు ఈ కార్యక్రమం జరిగింది. ఐసోలేషన్ వార్డుల్లో పనిచేసే నర్సులతో ఈ డ్యాన్స్ కార్యక్రమాన్ని నిర్వహించారు. నర్సుల్లో ఆందోళనను తగ్గించడానికి ఇదో ప్రయత్నమని అధికారులు చెబుతున్నారు. నర్సులందరూ మాస్క్‌లు ధరించి భౌతిక దూరం పాటిస్తూ జుంబా డ్యాన్స్‌లో పాల్గొన్నారు. మొత్తం 50 మంది ఆరోగ్య కార్యకర్తలు రెండు గంటల పాటు జుంబా డ్యాన్స్‌లో పాలుపంచుకున్నారు. కాగా.. కెన్యాలో ఇప్పటివరకు 912 మంది కరోనా బారిన పడ్డారు. కరోనా కారణంగా కెన్యాలో మొత్తం 50 మంది మరణించారు. గడిచిన 24 గంటల్లో కెన్యాలో 25 కేసులు నమోదైనట్టు ఆరోగ్యశాఖ వెల్లడించింది. 1139 శాంపిల్స్‌ను పరీక్షించగా 25 పాజిటివ్ కేసులు వచ్చినట్టు వెల్లడించింది. మరోపక్క కరోనా నుంచి 22 మంది పేషంట్లు పూర్తిగా కోలుకున్నారని.. దీంతో కోలుకున్న వారి సంఖ్య 336కి చేరుకున్నట్టు పేర్కొన్నారు.